Qazaqstan men Moñğoliya eki eldi baylanıstıratın tas jol qwrılısın bastauğa baylanıstı kelissözder jürgizude – dep mälimdedi Sırtqı ister ministri Qayrat Äbdirahmanov.

Qayrat Äbdirahmanov Mäjiliste söylegen sözinde: «Qazaqstannıñ sırtqı sayasatında Moñğoliyanıñ alatın ornı erekşe. Sebebi Bayan-Ölgey aymağında qazaq diasporasınıñ sanı basım. Eki jaqtıq qarım-qatınas ornatuda birinşi kezekte kün tärtibinde twrğan mäsele Bayan-Ölgey aymağında Qazaqstan konsuldığın aşu jäne Qıtay men Resey arqılı ötetin tas jol qwrılısın bastau» - degen.

Qazirgi tañda Bayan-Ölgey aymağında 91 mıñ 470 adam twradı. Onıñ 93 payızın qazaqtar qwraydı. Aymaqta 43 orta mektep bar. Olardıñ 38-i qazaq tilinde bilim beredi. Ölgey qalasında Särsen Amanjolov atındağı Şığıs Qazaqstan Memlekettik Universitetiniñ filialı qızmet isteude.

Aymaq boyınşa, Qazaqstan ükimetiniñ qolauımen «Qazaqstan», «Habar», «KTK», «31-arna», «Astana», «Balapan», «Jetisu», «Kazsport» telearnaları körsetiledi. Bwdan bölek qazaq tilinde «Jaña däuir», «Moñğol zaman», «Bilim» gazetteri aptasına 3-4 mıñ danamen şığadı. Internet basılımdardan qazaq tilinde "KAZNEWS" jäne "BAIOLKE" portaldarı jwmıs isteude.

“The Qazaq Times”