Qırğızstan prezidenti Sooronbay Jeenbekov resmi is-saparmen Astanağa keldi.

Bügin jeltoqsan ayınıñ 25-si küni Qırğızstan basşısı Sooronbay Jeenbekov Astanağa resmi is-saparmen keldi. Onı äuejaydan Qazaqstan Respublikası prem'er-ministriniñ birinşi orınbasarı Asqar Mämin men Sırtqı ister ministri orınbasarı Ğalımjan Qoyşıbaev kütip aldı.

Sooronbay Jeenbekov Qırğızstan prezidenti retinde Qazaqstanğa jasağan alğaşqı resmi is-saparında Nwrswltan Nazarbaevpen kezdesip, eki el arasındağı qarım-qatınas jayında, Euraziyalıq ekonomikalıq odaq ayasındağı äriptestik jayında kelissözder jürgizedi dep kütilude. Bwdan bölek Sooronbay Jeenbekov ükimet basşısı Baqıtjan Sağıntaevpen de kezdesedi dep josparlanuda.

Esteriñizge salayıq, Nwrswltan Nazarbaev pen Sooronbay Jeenbekov bwğan deyin qaraşa ayınıñ ayağında Belarus' astanası Minsk qalasında kezdesken. Osıdan keyin bir aydan astam uaqıtqa sozılğan qazaq-qırğız şekarasındağı dau şeşimin tauıp, eki el basşıları keden qızmetine baylanıstı «jol kartasın» qabıldağan.

“The Qazaq Times”