Photo: bnews.kz

Aqparat jäne kommunikaciya ministri Däuren Abaev Resey telearnalarınıñ Qazaqstan aumağında körsetilui jayında pikir bildirdi.

Senatta aqparat jäne kommunikaciyalıq mäseleler boyınşa, keybir zañnamalıq aktilerge özgertuler men tolıqtırular engizu turalı zañ jobasın talqılau barısında Dariğa Nazarbaeva Däuren Abaevqa reseylik telearnalardıñ Qazaqstan aumağında habar taratuına qatıstı jağdaydı tüsindirudi swrağan.  Öz kezeginde Däuren Abaev: «Biz reseylik äriptesterimizben qañtar-aqpan aylarında kelissözder jürgizemiz dep kelistik. Oğan deyin reseylik telearnalar öşirilmeydi. Bwl jerde mäsele ekonomikalıq twrğıdan ğana. Keybir reseylik telearnalar öz önimderin Qazaqstan aumağında körsetuge baylanıstı tarifterin köterdi. Mısalı: elimizde ülken swranısqa ie emes «Rossiya-Kul'tura» arnası tarifin qımbattattı. Bizdiñ kabel'dik operatorlarımız olardıñ qızmetinen bas tartuğa qwqılı» - degen.

Esteriñizge salayıq, bwğan deyin Qazaqstan aumağında kabel' jelisinde habar taratatın ID TV operatorı 2017 jıldıñ 11 jeltoqsanınan bastap reseylik "NTV-Mir", "RTR-Planeta", "Rossiya-24", "Rossiya-Kul'tura" telearnaların Qazaqstan aumağında körsetuin toqtatatındığın aytqan bolatın. Keyinnen Sırtqı ister ministrligi Resey baylanıs jäne bwqaralıq aqparat qwraldarı ministrligimen atalmış jağdayğa baylanıstı kelisimge kelgendigi jayında mälimdegen. Onda reseylik "NTV-Mir", "RTR-Planeta", "Rossiya-24", "Rossiya-Kul'tura" telearnalarınıñ önimderin qazaqstandıq operatorlar 2018 jıldıñ 1 naurızına deyin bwrınğı bağa boyınşa satıp alatındığı jayında aytılğan.

“The Qazaq Times”