Viçat äleumettik jelisi qatañ cenzurada. Foto: South China Morning Post.

Qıtaydıñ Şınjañ jerinde 40-qa juıq wltı qazaq Qıtay azamatı Qazaqstannıñ täuelsizdik künin äleumettik jelide qwttıqtağanı üşin twtqındalğan. Bwl turalı RFA-nıñ resmi saytı habarladı.

RFA jariyalağan habar. Foto: QT.

Şınjañda qauipsizdik qızmetkerleri 16 jeltoqsan küni Qıtayda jasap jatqan etnikalıq qazaqtardıñ äleumettik jelilerine tekseru jürgizgen.  Policeyler 40-qa juıq qazaq azamatın WeChat Group äleumettik paraqşalarında Qazaqstannıñ täuelsizdik künin qwttıqtağanı üşin twtqındağan. Habarda twtqındalğandardıñ köbi jastar ekeni, olardıñ arasında Säule, Qaysar, Äliya, Nwrgül jäne Dina esimdi studentterdiñ de bar ekeni aytılğan.

RFA-nıñ atalğan habarında: «15 jeltoqsan küni WeChat äleumettik jelisin paydalanuşınıñ biri 200 adam qatısqan WeChat Group-ta 1986 jılğı jeltoqsan oqiğası bolğanın, ol Keñes odağınıñ ıdırauına sebep bolğanın, 16 jeltoqsan bwl oqiğağa 31 jıl bolatının jäne Qazaqstan Respublikasınıñ täuelsizdigine 26 jıl tolatını habarlağan. Keyin mälimetterdi joldağan jeli qoldanuşıları Qıtay qauipsizdik qızmetkerleri jağınan twtqındalğan», – delingen. Habarda jäne Erkin Mwhammedäli, Töleu Hamza, Beysen Toqmwrat, Saqtağan Eleu, Qwsayın Tälip, Qaydar Mwqaş, Qwnanbek Ekpin jäne özge de qazaq azamattarınıñ twtqındalağanı turalı da mälimetter bar.

“The Qazaq Times”