«قىتايدا قازاقستاندى تاۋەلسىزدىك كۇنىمەن قۇتتىقتاعان قازاقتار تۇتقىندالدى» دەگەن اقپارات تارادى

قىتايدىڭ شىنجاڭ جەرىندە 40-قا جۋىق ۇلتى قازاق قىتاي ازاماتى قازاقستاننىڭ تاۋەلسىزدىك كۇنىن الەۋمەتتىك جەلىدە قۇتتىقتاعانى ءۇشىن تۇتقىندالعان. بۇل تۋرالى RFA-نىڭ رەسمي سايتى حابارلادى.

RFA جاريالاعان حابار. فوتو: QT.

شىنجاڭدا قاۋىپسىزدىك قىزمەتكەرلەرى 16 جەلتوقسان كۇنى قىتايدا جاساپ جاتقان ەتنيكالىق قازاقتاردىڭ الەۋمەتتىك جەلىلەرىنە تەكسەرۋ جۇرگىزگەن.  پوليتسەيلەر 40-قا جۋىق قازاق ازاماتىن WeChat Group الەۋمەتتىك پاراقشالارىندا قازاقستاننىڭ تاۋەلسىزدىك كۇنىن قۇتتىقتاعانى ءۇشىن تۇتقىنداعان. حاباردا تۇتقىندالعانداردىڭ كوبى جاستار ەكەنى، ولاردىڭ اراسىندا ساۋلە، قايسار، ءاليا، نۇرگۇل جانە دينا ەسىمدى ستۋدەنتتەردىڭ دە بار ەكەنى ايتىلعان.

RFA-نىڭ اتالعان حابارىندا: «15 جەلتوقسان كۇنى WeChat الەۋمەتتىك جەلىسىن پايدالانۋشىنىڭ ءبىرى 200 ادام قاتىسقان WeChat Group-تا 1986 جىلعى جەلتوقسان وقيعاسى بولعانىن، ول كەڭەس وداعىنىڭ ىدىراۋىنا سەبەپ بولعانىن، 16 جەلتوقسان بۇل وقيعاعا 31 جىل بولاتىنىن جانە قازاقستان رەسپۋبليكاسىنىڭ تاۋەلسىزدىگىنە 26 جىل تولاتىنى حابارلاعان. كەيىن مالىمەتتەردى جولداعان جەلى قولدانۋشىلارى قىتاي قاۋىپسىزدىك قىزمەتكەرلەرى جاعىنان تۇتقىندالعان»، – دەلىنگەن. حاباردا جانە ەركىن مۇحاممەدالي، تولەۋ حامزا، بەيسەن توقمۇرات، ساقتاعان ەلەۋ، قۇسايىن ءتالىپ، قايدار مۇقاش، قۇنانبەك ەكپىن جانە وزگە دە قازاق ازاماتتارىنىڭ تۇتقىندالاعانى تۋرالى دا مالىمەتتەر بار.

“The Qazaq Times”