Foto: QT

Bügin Almatı qalasınıñ äkimdigi, şahar twrğındarı men qonaqtarı, sayasi wyımdar men partiya müşeleri Täuelsizdik monumentine gül şoqtarın qoydı.

Qala äkimi Bauırjan Baybektiñ qatısuımen bolğan resmi şarada äskeri orkestr änwran oynadı. Biraq bilik ökilderinen eşkim qwttıqtau sözin söylegen joq. Jinalğan qauım resmi ökilder alañnan ketkennen keyin, jıldağı dästür boyınşa, 1986 jılı bolğan Jeltoqsan oqiğasınıñ qwrbandarına qwran bağıştadı.

Foto: QT

1986 jılı bolğan Jeltoqsan oqiğasında qanşa adam qwrban bolğanı äli künge deyin belgisiz. Qazaqstan Täuelsiz el atansa da osı uaqıtqa deyin Jeltoqsan oqiğasına öz deñgeyinde sayasi bağa berilgen joq.

2011 jıldan beri qazaqstandıqtar 16 jeltoqsan küni Jeltoqsan qwrbandarı men qatar Jañaözen qalasındağı qandı oqiğanı qatar eske aladı. Sebebi däl osı küni 2011 jılı Mañğıztau oblısına qarastı Jañaözen qalasında bilik qazaq halqına qarsı oq atqan bolatın. Resmi derekter boyınşa, Jañaözen oqiğasında 16 adam köz jwmıp, 100-ge juıq adam jaraqat alğan.

“The Qazaq Times”