Almatıda injenerlik jeliler qayta jasalğan soñ Oñtüstik-Şığıs qazandığı jañardı, dep habarlaydı Almatı qalası äkimdiginiñ baspasöz qızmeti. 

Äkimdiktiñ mälimetinşe, modernizaciyalau boyınşa qazandıqtıñ jılu quatı 25%-ğa artıp, qala twrğındarınıñ päterlerine jılu twraqtı berilip, jaña abonentterdiñ qosıluı qamtamasız etilgen.

Jalpı Almatıda  biıl jazda injenerlik jelilerdi qayta jasau men salu kezinde wzındığı 761,3 km injenerlik jüye  jañardı, onıñ işinde 313 km su, 266 km käriz qwbırları men 150 km elektr jäne 32,3 km jılu jelileri qayta jasaldı.

Sumen qamtamasız etu jäne sudan bölu jelilerin modernizaciyalau barısında qwbırlardıñ tozuı 3%-ğa, apat 4%-ğa, şığın 5,2%-ğa azayğan. Qalanıñ 11 mıñnan astam twrğını sumen qamtudıñ ortalıqtandırılğan jüyesine qosıldı.

Qalanıñ Oñtüstik-Şığıs qazandığın kürdeli jöndeuden ötkizu gidravlikalıq şığındı  azaytıp, käsiporın quatın 168 den 208 Gkal/sağatqa arttırıp, 40 köppäterli twrğın üyler jılu jelisine qosıldı.

Sonday-aq, Oñtüstik-Şığıs qazandığı 70 mıñnan astam päterge, 700 zañdı twlğağa qızmet körsetedi, qala jıluınıñ 9%-ğa juığın beredi. Qazandıq gazben jwmıs isteydi, auağa tek qızğan bu ğana şığarıladı.

“The Qazaq Times”