Almatı qalasınıñ qazirgi äkimi Baqıtjan Sağıntaev. Foto: Äkim videoündeuinen

Almatı äkimi Baqıtjan Sağıntaev qalanıñ 2050 jılğa deyingi damu strategiyasın qoğam talqısına wsındı.

«Tek almatılıqtardı ğana emes, bizdiñ süyikti qalamızdıñ tağdırına nemqwraylı qaray almaytın barlıq adamdardı şahardıñ bastı qwjatı bolatın jobağa öziniñ sındarlı pikirin bildiruin swraymın», – dep jazdı Sağıntaev Instagram paraqşasında.

Almatı äkimi Baqıtjan Sağıntaev qalanıñ 2050 jılğa deyingi damu strategiyasınıñ jobasın köpşiliktiñ talqılauına wsındı. Qazaqstannıñ eks-prezidenti Nazarbaevtıñ «Qazaqstan – 2050» strategiyasınıñ «äserinen» tuğan «Almatı – 2050» jobasınan bwrın «Almatı – 2020» besjıldıq damu bağdarlaması qabıldanğan bolatın.

Almatı äkimdigi baspasöz qızmetiniñ habarlauınşa, «özderiniñ wsınıstarı men pikirlerin tek almatılıqtar ğana emes, Almatınıñ bolaşağına beyjay qaray almaytındardıñ barlığı engize aladı». Biraq jobağa qatıstı pikir bildiruşiler onlayn tirkelu arqılı öziniñ derbes derekterin öñdeuge «jazbaşa kelisim» berui tiis.

 

Jaña jobağa pikir bildiru üşin arnayı derekqor tirkeuinen ötu kerek. Foto: almaty-2050.kz

2050 jılğa deyingi damu strategiyasında 7 bağıtqa basımdıq berilgen:

  1. Şetsiz qala;
  2. «Aqıldı» qala;
  3. Teñ mümkindikter qalası;
  4. Qauipsiz qala;
  5. Jasıl qala;
  6. Jahandıq iskerlik ortalıq;
  7. Mädeni kreativti qala.

Qala äkimi öziniñ BAQ ökilderimen üzdiksiz jwmıs isteytinin de basa atap ötti. Strategiyanıñ tolıq mätini Almaty-2050.kz saytında jariyalanğan.

;feature=emb_title

"The Qazaq Times"