الماتىدا ينجەنەرلىك جەلىلەر قايتا جاسالعان سوڭ وڭتۇستىك-شىعىس قازاندىعى جاڭاردى، دەپ حابارلايدى الماتى قالاسى اكىمدىگىنىڭ ءباسپاسوز قىزمەتى. 

اكىمدىكتىڭ مالىمەتىنشە، مودەرنيزاتسيالاۋ بويىنشا قازاندىقتىڭ جىلۋ قۋاتى 25%-عا ارتىپ، قالا تۇرعىندارىنىڭ پاتەرلەرىنە جىلۋ تۇراقتى بەرىلىپ، جاڭا ابونەنتتەردىڭ قوسىلۋى قامتاماسىز ەتىلگەن.

جالپى الماتىدا  بيىل جازدا ينجەنەرلىك جەلىلەردى قايتا جاساۋ مەن سالۋ كەزىندە ۇزىندىعى 761,3 كم ينجەنەرلىك جۇيە  جاڭاردى، ونىڭ ىشىندە 313 كم سۋ، 266 كم كارىز قۇبىرلارى مەن 150 كم ەلەكتر جانە 32,3 كم جىلۋ جەلىلەرى قايتا جاسالدى.

سۋمەن قامتاماسىز ەتۋ جانە سۋدان ءبولۋ جەلىلەرىن مودەرنيزاتسيالاۋ بارىسىندا قۇبىرلاردىڭ توزۋى 3%-عا، اپات 4%-عا، شىعىن 5,2%-عا ازايعان. قالانىڭ 11 مىڭنان استام تۇرعىنى سۋمەن قامتۋدىڭ ورتالىقتاندىرىلعان جۇيەسىنە قوسىلدى.

قالانىڭ وڭتۇستىك-شىعىس قازاندىعىن كۇردەلى جوندەۋدەن وتكىزۋ گيدراۆليكالىق شىعىندى  ازايتىپ، كاسىپورىن قۋاتىن 168 دەن 208 گكال/ساعاتقا ارتتىرىپ، 40 كوپپاتەرلى تۇرعىن ۇيلەر جىلۋ جەلىسىنە قوسىلدى.

سونداي-اق، وڭتۇستىك-شىعىس قازاندىعى 70 مىڭنان استام پاتەرگە، 700 زاڭدى تۇلعاعا قىزمەت كورسەتەدى، قالا جىلۋىنىڭ 9%-عا جۋىعىن بەرەدى. قازاندىق گازبەن جۇمىس ىستەيدى، اۋاعا تەك قىزعان بۋ عانا شىعارىلادى.

“The Qazaq Times”