Almatı qalasındağı jetkizu qızmetimen aynalısatın kompaniyalardıñ kur'erleri bağdarşamnıñ rwqsat belgisin kütip twr. 25 qazan 2021 jıl. Foto: QT / Kültegin Aspanwlı

Almatı qalasında särsenbi küni Glovo kompaniyasınıñ jwmısşıları ereuil ötkizer bwrın birneşe belsendi wstalğanı habarlandı.

Olardıñ arasında kur'erlerdiñ tirkelmegen käsipodaq jetekşisi Jeñis Orınäliev te bar. Bwl jöninde Vlast saytı jazdı. Aqparatqa qarağanda, kur'erlerdi policiya Almalı audandıq policiya basqarmasına jetkizgen.

«Belsendilerdi tañerteñgi sağat 11:30 şamasında wstap äketkenin bilemiz, biraq naqtı qay jerde – üyinde me älde äkimdikke barğan kezde wstadı ma, ol jağı belgisiz. Bizdiñ telefondarımız tıñdaldı ma degen küdik payda boldı. Qwqıq qorğau organdarı ärdayım bizdiñ akciyalarımız jöninde habardar» dedi kur'erlerdiñ biri Vlast saytına.

Baspasöz qızmetinen äldebir aqparat alu qiın policiya departamenti ädettegidey oqiğağa der kezinde tüsinikteme bermedi. Kompaniya jwmısşıları wstalğandardı qoldau üşin policiya basqarmasına baratının da aytqan.

Osığan deyin Glovo kur'erleriniñ särsenbide, 27 qazanda Almatı äkimdigi aldına jinalıp, 20 talabın jetkizetini jöninde habar tarağan.

Glovo servisiniñ qızmetkerleri alğaşqı narazılıq akciyasın şilde ayınıñ basında ötkizgen. Sodan keyin olar eñbek jağdayın jaqsartudı jäne jalaqını köterudi talap etti. Dese de ondağan kur'ermen kezdesken qalalıq käsipkerlik basqarmasınıñ basşılığı men kompaniya ökilderi talapqa say şeşim şığarmağan.

The Qazaq Times