Foto: I Like News

Oñtüstik Qazaqstan oblısı 2017 jıldıñ 10 ayında salıq tüsimi boyınşa mälimetterdi jariyaladı. Belgilengen memlekettik byudjet josparı 245 mlrd teñge bolan, biraq naqtı 251 mlrd teñge öndirilgen. Bwl turalı OQO  äkimdiginiñ baspasöz qızmeti habarladı. 

Oblıstıq Memlekettik kirister departamentiniñ basşısı Altınsarı Ümbetälievtiñ mälimetinşe, memlekettik byudjet tüsimderiniñ ösu qarqını 2016 jıldıñ osı kezeñimen salıstırğanda edäuir artqan.

«Respublikalıq byudjetke mejelengen jospar 151 mlrd teñge bolsa, ol 101 payızğa orındalıp, 152 mlrd teñgeni qwradı. Al, jergilikti byudjet boyınşa, 94 mlrd. teñge josparlansa, naqtı 99 mlrd. teñge öndirildi. Nätijesinde jospar 106 payızğa orındalıp, jergilikti byudjet qorjınına artığımen 5 mlrd. teñgeniñ qarjısı tüsti», - deydi departament basşısı.

Mälimetterge sensek, qazirgi kezde Oñtüstik Qazaqstan oblısında 216 mıñnan astam şağın jäne orta biznes ökilderi jwmıs atqarıp keledi eken. Osı sub'ektilerden osı jıldıñ 10 ayında memlekettik byudjetke 104,6 mlrd teñge köleminde salıq tüsken.

Oblıstıq Memlekettik kirister departamenti tarapınan salıqtıq tekseruler sanı 2017 jılı bıltırğı jıldıñ osı kezeñimen salıstırğanda 57 payızğa kemigen.

Bwdan bölek, oblıstıñ sırtqı tauar aynalımı osı jıldıñ on ayında 1 mlrd. 438 mln AQŞ dolların qwradı. Onıñ işinde tauar eksportı 5 payızğa, al tauar importı 36 payızğa  köbeygen.

“The Qazaq Times”