Körneki suret. Foto: The Bell

Qazaqstannıñ Ekonomika ministrligi ekonomikalıq ahual naşarlağan jağdayda iske asıratın «B» josparı (Wlttıq bank jäne Qarjı narığın damıtu agentigimen birlese dayındağan) barın habarladı.

Ministr Äset Erğalievtiñ mälimdeuinşe, dağdarıs küş ala qalğan jağdayda, otandıq käsipkerlerdi qoldau maqsatında makroekonomialıq twraqtılıqtı bir qalıpta wstap twruğa bağıtalğan kontrcikldik sipattağı şwğıl şaralar paketi qolğa alınadı. Biraq parlament qabırğasında mäjilis törağası, «Nur Otan» frakciyasınıñ jetekşisi Nwrlan Nığmatulinniñ törağalığımen ötken jiında köñil könşiktiruge arnalğan («Ä» emes) «B» josparınıñ naqtı qanday qadamdardan twratını turalı jan-jaqtı tanıstırılmadı.

Ükimette tolıq jäne parlament qwramınıñ basım ornın ielengen nwrotandıqtar saylau aldındağı bağdarlamağa säykes, käsipkerlerge jağday jasap, 2025 jılğa qaray  JİÖ-degi şağın jäne orta biznes (ŞOB – QT) ülesin 35%-ğa deyin jetkizui tiis.

Bıltır Qazaqstandağı ŞOB ülesi 28,5% körsetken, aldıñğı jılı bwl 31,7% bolğan. Mwnday ekonomikalıq recessiyanı Ükimet koronavirus pandemiyasınıñ saldarı dep sanaydı.

Täuelsiz sarapşılar men ekonomist mamandar Qazaqstanda käsipkerlik jüye äli jolğa qoyılmağanın, bizneske äkimşilik qısımnıñ barın, jemqorlıq jayılğanın aytadı.

"The Qazaq Times"