فوتو: I Like News

وڭتۇستىك قازاقستان وبلىسى 2017 جىلدىڭ 10 ايىندا سالىق ءتۇسىمى بويىنشا مالىمەتتەردى جاريالادى. بەلگىلەنگەن مەملەكەتتىك بيۋدجەت جوسپارى 245 ملرد تەڭگە بولان، بىراق ناقتى 251 ملرد تەڭگە وندىرىلگەن. بۇل تۋرالى وقو  اكىمدىگىنىڭ ءباسپاسوز قىزمەتى حابارلادى. 

وبلىستىق مەملەكەتتىك كىرىستەر دەپارتامەنتىنىڭ باسشىسى التىنسارى ۇمبەتاليەۆتىڭ مالىمەتىنشە، مەملەكەتتىك بيۋدجەت تۇسىمدەرىنىڭ ءوسۋ قارقىنى 2016 جىلدىڭ وسى كەزەڭىمەن سالىستىرعاندا ەداۋىر ارتقان.

«رەسپۋبليكالىق بيۋدجەتكە مەجەلەنگەن جوسپار 151 ملرد تەڭگە بولسا، ول 101 پايىزعا ورىندالىپ، 152 ملرد تەڭگەنى قۇرادى. ال، جەرگىلىكتى بيۋدجەت بويىنشا، 94 ملرد. تەڭگە جوسپارلانسا، ناقتى 99 ملرد. تەڭگە ءوندىرىلدى. ناتيجەسىندە جوسپار 106 پايىزعا ورىندالىپ، جەرگىلىكتى بيۋدجەت قورجىنىنا ارتىعىمەن 5 ملرد. تەڭگەنىڭ قارجىسى ءتۇستى»، - دەيدى دەپارتامەنت باسشىسى.

مالىمەتتەرگە سەنسەك، قازىرگى كەزدە وڭتۇستىك قازاقستان وبلىسىندا 216 مىڭنان استام شاعىن جانە ورتا بيزنەس وكىلدەرى جۇمىس اتقارىپ كەلەدى ەكەن. وسى سۋبەكتىلەردەن وسى جىلدىڭ 10 ايىندا مەملەكەتتىك بيۋدجەتكە 104,6 ملرد تەڭگە كولەمىندە سالىق تۇسكەن.

وبلىستىق مەملەكەتتىك كىرىستەر دەپارتامەنتى تاراپىنان سالىقتىق تەكسەرۋلەر سانى 2017 جىلى بىلتىرعى جىلدىڭ وسى كەزەڭىمەن سالىستىرعاندا 57 پايىزعا كەمىگەن.

بۇدان بولەك، وبلىستىڭ سىرتقى تاۋار اينالىمى وسى جىلدىڭ ون ايىندا 1 ملرد. 438 ملن اقش دوللارىن قۇرادى. ونىڭ ىشىندە تاۋار ەكسپورتى 5 پايىزعا، ال تاۋار يمپورتى 36 پايىزعا  كوبەيگەن.

“The Qazaq Times”