Qazaqstanda qazan ayındağı benzin tapşılığına baylanıstı qızmetinen bosatılğan Äset Mağauov "KAZENERGY" Qazaqstan mwnay-gaz jäne energetika keşeni wyımdarınıñ qauımdastığı» ZTB bas direktorı bolıp tağayındaldı, dep habarladı kompaniyanıñ resmi saytı. 

"KAZENERGY qauımdastığınıñ törağası Qwlıbaev Timur Asqarwlınıñ bwyrığımen Mağauov Äset Maratwlı 2017 jılğı 4 jeltoqsanda "KAZENERGY" Qazaqstan mwnay-gaz jäne energetika keşeni wyımdarınıñ qauımdastığı» ZTB bas direktorı qızmetine  tağayındaldı", - delingen kompaniyanıñ resmi saytında jazılğan habarlamada.

Äset Mağauov 1994 jılı  I.M. Gubkin atındağı Moskva mwnay-himiya jäne gaz öndirisi institutınıñ JEK salasındağı  ekonomika jäne basqaru fakul'tetin ayaqtadı. Halıqaralıq Valyuta Qorınan jäne Aziya Damu Bankinen tağılımdamadan ötken. 2010 - 2011 jıldarı - Qazaqstan Respublikası mwnay jäne gaz vice-ministri, 2011-2012 jıldarı – «Mañğıstaumwnaygaz» AQ bas direktorı, 2012-2016 jıldarı - KAZENERGY qauımdastığınıñ bas direktorı, 016-2017 jıldarı – QR energetika vice-ministri sındı lauazımdı qızmetterin atqarğan.

Ayta keteyik, osı jıldıñ qazan ayında QR Prem'er-ministri Baqıtjan Sağıntaev "Qazaqstandağı şeneunikter özderine tapsırılğan mindetterdi dwrıs atqarmauı saldarınan benzin tapşılığı bolğanın" aytıp,  Energetika vice-ministri Äset Mağauovtı qızmetinen bosatıp, Energetika ministri Qanat Bozımbaevğa sögis berudi wsınğan edi.

“The Qazaq Times”