«استانا» حالىقارالىق قارجى ورتالىعىنىڭ بيرجاسى 2018 جىلدىڭ 1 قاڭتارىنان باستاپ ساۋدا جۇرگىزۋگە ءازىر، دەپ حابارلايدى قر پرەمەر-ءمينيسترىنىڭ رەسمي سايتى. 

احقو باسقارۋشىسى قايرات كەلىمبەتوۆ ۇكىمەت وتىرىسىندا جۇرگىزىلگەن كولەمدى جۇمىستاردىڭ ناتيجەسىندە احقو ينفراقۇرىلىمىنىڭ جاڭا جىلدان باستاپ جۇمىس ىستەۋگە تولىق دايىندىعى قامتاماسىز ەتىلگەنىن ايتقان

سايتتىڭ مالىمەتىنشە، قاراشادا ورتالىق الاڭىندا العاشقى قاتىسۋشى رەتىندە حالىقارالىق قارجى ورتالىعىنىڭ بيرجاسى تىركەلگەن. بيرجا 2018 جىلدىڭ 1 قاڭتارىنان باستاپ ساۋدا جۇرگىزۋگە دايىن.

ال قارجى ءمينيسترى باقىت سۇلتانوۆتىڭ ايتۋىنشا، قازاقستاننىڭ قور نارىعىن دامىتۋعا جاردەمدەسۋ ماقساتىندا 2018 جىلدىڭ ءبىرىنشى توقسانىندا احقو بيرجاسىنا مەملەكەتتىك باعالى قاعازداردى شىعارۋ جانە ورنالاستىرۋ كوزدەلگەن.

سونداي-اق، قارجى مينيسترلىگى يسلام مەملەكەتتىك قۇندى قاعازدارى — سۋكۋكتى شىعارۋ مۇمكىندىگىن قاراستىرۋدا. 2018 جىلدىڭ ءبىرىنشى جارتىسىندا احقو بيرجاسىندا سۋكۋكتى شىعارۋ جوسپارلانعان.

“The Qazaq Times”