Foto: https://www.inform.kz

Qazaqstan 2020 jılı Dubayda ötetin EXPO körmesine 9 milliard teñge jwmsamaq.

Osı jañalıqtı habarlağan sauda jäne integraciya ministri Baqıt Swltanov baspasöz maslihatında: «Pavil'ondı dayındau jwmıstarı jürgizildi, oğan bıltır byudjetten şamamen 9 milliard teñge bölindi. Pavil'on bölşektelip, Qazaqstanğa osı qarajattıñ esebinen äkelinedi, keyin öñirlerde nemese astanada äri qaray öz rölin atqara beredi», – deydi.

Dubayda (BAÄ) ötetin halıqaralıq körme keler jıldıñ 20 qazanında bastalıp, 2021 jıldıñ 10 säuirine deyin jalğaspaq. Osığan deyin EXPO-2020 körmesinde Qazaqstanğa eñ ülken orındardıñ biri berilgeni belgili bolğan edi. Onıñ audanı – 3 420 şarşı metr.

"The Qazaq Times"