Bügin Nwr-swltanda Ükimet otırısı ötti. Jiında eldegi tauar aynalımı, azıq-tülik önimderi bağasınıñ ösui, inflyaciya saldarı men sebepteri talqılandı.

Sauda jäne integraciya ministri Baqıt Swltanov Euraziyalıq ekonomikalıq odaq elderiniñ, äsirese Reseydegi bağanıñ Qazaqstanğa salqını tiip jatqanın ayttı. Mäselen, 2017 jıldan bastap bağası 38%-ğa ösip 192,5 litr/teñge bolğan dizel' otını azıq-tülik önimderi bağasınıñ ösuine äkep soqqan.

Osı jıldıñ 16 tamızında İşki sauda erejesine engizilgen özgerister küşine engizilgen bolatın. Özgerister boyınşa äleumettik mañızı bar azıq-tülik tauarlarına 15%-dan aspaytın sauda üstemelerin belgilenui tiis. Nätijesinde, azıq-tülik tauarların jetkizuşilerden sauda jelileri alatın retro-bonustardı (sıyaqılardı) belgileuge tıyım salınıp, basqa azıq-tülik tauarları boyınşa 5%-ğa deyin sıyaqı limiti belgilengen. Degenmen, sanaulı uaqıt işinde tauarlar bağası bwrınğıdan qwbıla tüsken. Bağanıñ ösuine rettelmegen öndiris, tiimsiz deldaldardıñ sanınıñ köp boluı, saqtau şarttarınıñ orındalmauı, twtınuşığa deyin kepildengen jetkizu arnalarınıñ joqtığı sebep bolıp otır.

QR Wlttıq ekonomika ministri Ruslan Dälenov azıq-tülik bağaları ösuiniñ jartısı äleumettik mañızı bar 19 azıq-tülik tauarına tiesili ekenin jäne olardıñ bağası 9%-ğa köterilgenin atap ötti.

Statistikağa süyensek, jıldıq inflyaciya 5,4% deñgeyge jetken. Al 2018 jıldıñ şildesinde ol 5,9%-dı körsetken. «Inflyaciyanıñ ösuine eñ köp äser etken azıq-tülik tauarları» — degen Dälenov, büginnen bastap tauar bağalarına apta sayın baqılau jürgiziletinin ayttı.

Ükimet otırısında mälim bolğan jañalıqtardıñ biri — aldağı uaqıtta «Twtınuşılar qwqığın qorğau turalı» zañ jobasınıñ engizilui. Ministr Swltanovtıñ aytuınşa, 2020 jılı «aynalım» shemasın respublika deñgeyinde jäne barlıq 19 tauarlıq poziciya boyınşa iske asıru da josparlanıp otır. Bwl — ekinşi jañalıq delik. Üşinşiden, Jambıl, Batıs-Qazaqstan, Pavlodar, Şığıs Qazaqstan, Mañğıstau oblıstarında köterme-taratu ortalıqtarın salınbaq.

Körşi memleketterdegi ekonomikalıq jağdaydıñ Qazaqstandı aynalıp ötpeytindigin eskersek, tauar bağaların twraqtandıruda şendiler biraz qiındıqqa tap boları sözsiz. Qazirdiñ özinde 1 AQŞ dolları 387.84 bağamın körsetip twr. Degenmen, ekonomikada jağımdı jañalıqtardıñ bolatının eskertken Swltanov bıltır Resey, Ortalıq Aziya jäne Qazaqstannıñ işki tauar aynalımınıñ kölemi 579,6 mlrd AQŞ dolların qwrauı Qazaqstan satu jüyesin qwruda ülken potencialğa ie ekenin tilge tiek etti.

"The Qazaq Times"