Bügin Belarus' elinde Nwrswltan Nazarbaev pen Qırğızstan prezidenti Sooronbay Jeenbekov kezdesti.

Qaraşa ayınıñ 30-ı küni Belarus' astansı Minsk qalasında Wjımdıq qauipsizdik kelisimi sammiti ayasında Nwrswltan Nazarbaev pen Sooronbay Jeenbekov kezdesken. Kezdesu barısında qazaq-qırğız şekarasındağı jağdaylarğa baylanıstı Nwrswltan Nazarbaev: «Biz barlığımız şekaradağı mäseleler neden tuındağanın jaqsı bilemiz. Osığan baylanıstı eki el ükimeti jasağan «jol kartası» bar. Biz onı qarap şıqtıq. Endi qos eldiñ jwmısşılar tobı atalmış «jol kartasın» talqılap, qol qoyuı tiis» - degen.

Al öz kezeginde Qırğızstan prezidenti Sooronbay Jeenbekov: «Eki el ükimeti «jol kartasın» jeltoqsan ayında qayta qarap, tolıqtıruı tiis. Sol kezde barlıq problema şeşiledi. Barlıq talaptar men mäseleler belgilengen uaqıt işinde qaralıp, şeşiletin boladı» - degen.

Esteriñizge salayıq, qazaq-qırğız şekarasındağı dau qazan ayınıñ 10-ı küni bastalğan. Sol küni Qazaqstan tarapı şekara baqılauın küşeytilgen rejimde jwmıs isteuge köşirgen.

“The Qazaq Times”