بۇگىن بەلارۋس ەلىندە نۇرسۇلتان نازارباەۆ پەن قىرعىزستان پرەزيدەنتى سوورونباي جەەنبەكوۆ كەزدەستى.

قاراشا ايىنىڭ 30-ى كۇنى بەلارۋس استانسى مينسك قالاسىندا ۇجىمدىق قاۋىپسىزدىك كەلىسىمى ءسامميتى اياسىندا نۇرسۇلتان نازارباەۆ پەن سوورونباي جەەنبەكوۆ كەزدەسكەن. كەزدەسۋ بارىسىندا قازاق-قىرعىز شەكاراسىنداعى جاعدايلارعا بايلانىستى نۇرسۇلتان نازارباەۆ: «ءبىز بارلىعىمىز شەكاراداعى ماسەلەلەر نەدەن تۋىنداعانىن جاقسى بىلەمىز. وسىعان بايلانىستى ەكى ەل ۇكىمەتى جاساعان «جول كارتاسى» بار. ءبىز ونى قاراپ شىقتىق. ەندى قوس ەلدىڭ جۇمىسشىلار توبى اتالمىش «جول كارتاسىن» تالقىلاپ، قول قويۋى ءتيىس» - دەگەن.

ال ءوز كەزەگىندە قىرعىزستان پرەزيدەنتى سوورونباي جەەنبەكوۆ: «ەكى ەل ۇكىمەتى «جول كارتاسىن» جەلتوقسان ايىندا قايتا قاراپ، تولىقتىرۋى ءتيىس. سول كەزدە بارلىق پروبلەما شەشىلەدى. بارلىق تالاپتار مەن ماسەلەلەر بەلگىلەنگەن ۋاقىت ىشىندە قارالىپ، شەشىلەتىن بولادى» - دەگەن.

ەستەرىڭىزگە سالايىق، قازاق-قىرعىز شەكاراسىنداعى داۋ قازان ايىنىڭ 10-ى كۇنى باستالعان. سول كۇنى قازاقستان تاراپى شەكارا باقىلاۋىن كۇشەيتىلگەن رەجيمدە جۇمىس ىستەۋگە كوشىرگەن.

“The Qazaq Times”