Foto: ru.sputniknews-uz.com

Qırğızstan prezidenti Sooronbay Jeenbekov Resey basşısı Vladimir Putinmen kezdesedi.

Bügin RF prezidentiniñ baspasöz hatşısı Dmitriy Peskov jurnalister aldında söylegen sözinde: «Qaraşa ayınıñ 29-ı küni Qırğızstan prezidenti Sooronbay Jeenbekov Mäskeu qalasına Resey basşısı Vladimir Putinmen kezdesuge keledi. Aldağı uaqıtta prezident äkimşiliginiñ baspasöz qızmeti bwl jayında tolıqqandı aqparat taratatın boladı» - degen.

Kreml' Baspasöz qızmeti taratqan mälimet boyınşa, eki el basışıları kezdesu barısında Resey men Qırğızstan arasındağı qarım-qatınas jayında, sauda-ekonomikalıq, äskeri-tehnikalıq, mädeni-gumanitarlıq salalar boyınşa kelissözder jürgizbek. Bwdan bölek Putin men Jeenbekov Euraziyalıq ekonomikalıq odaq ayasında birlesip jwmıs isteu jöninde äñgime qozğaydı dep kütilude.

Esteriñizge salayıq, Sooronbay Jeenbekov prezidenttik qızmetine qaraşa ayınıñ 24-i küni kirisken. Ol bwğan deyin TASS aqparat agenttigine bergen swhbatında: «Resey bizdiñ bastı strategiyalıq äriptesimiz» degen bolatın. Köptegen sarapşılar onıñ alğaşqı resmi is-saparın Reseyden bastauın Almazbek Atambaevpen baylanıstıradı. Öytkeni Atambaev ta osıdan altı jıl bwrın öziniñ alğaşqı resmi is-saparın däl osı Reseyden bastağan bolatın. Atambaev altı jıl prezidenttik merziminde Reseymen tığız baylanıs ornatqan.

“The Qazaq Times”