Foto: EPA

Fillipindegi esirtkige qarsı küres agenttiginiñ jaña basşısı naşaqorlarda jazalau zañ jüzinde ğana jüzege asatının jetkizdi. 2016 jıldan beri memleket basşısı Rodrigo Duterteniñ bastamasımen esirtkimen baylanısı bar degen küdikpen qolğa tüskenderdiñ basım köpşiligi policiyağa qarsılıq körsetu barısında oqiğa ornında sottıñ şeşiminsiz atılğan bolatın. Jaña basşı policiyanıñ jwmısına jañaşıldıqtar engizip, älem tarapınan köp sınğa wşırağan qatañ jazalau şarasın adam qwqıqtarı jönindegi zañdardı bwzbay orındauğa ıntalı ekendigin bildirdi. 

Agenttik basşısınıñ aytuınşa, tamız ayınan beri jürgizilgen 1  341 operaciya kezinde nebäri bir adam ğana qaza tapqan. Osı jıldıñ qazan ayında Rodrigo Duterte naşaqorlıqpen baylanıstı qılmıstardı zertteu qızmetin policiyadan alıp, bwl qwzıretti Fillipinniñ esirtkige qarsı küres agenttigine jüktegen bolatın. Bwl jazıqsız azamattardıñ ölimi jiilegenine baylanıstı halıq pen adam qwqıqtarı jönindegi ükimettik emes wyımdar tarapınan zañsız atu şaraların doğaru turalı talaptardıñ küşeyuine alıp keldi. Fillipin policiyası men Ükimet qaza tapqandardıñ barlığı esirtkimen baylanısı bar jäne qolğa tüsiru barısında policiyağa ayqın qarsılıq körsetken azamattar bolğanın aytadı.

Esirtkige qarsı küres agenttigi ötken ayda 400 adamdı twtqındap, qwnı 1 mln funt sterling bolatın aq wntaqtı qolğa tüsirgen. Agenttik basşısı halıqtıñ narazılığına qaramastan, naşaqorlıqpen baylanıstı qılmıstarmen jwmıs isteu qwqığı policiyağa qayta berilgenin qalaytının jasırmadı. Öytkeni agenttikte nebäri 2 mıñ adam jwmıs isteydi. Onıñ kadrlıq jäne byudjettik mümkindikteri sapında 165 mıñ qızmetkeri bar policiya bölimşelerinen äldeqayda tömen. Fillipinniñ Prezidenti Rodrigo Duterte eger altı aydıñ işinde esirtkimen baylanıstı qılmıstar tömendemese, bwl qwzıretti policiyağa qayta tapsıratının aytqan bolatın.

“The Qazaq Times”