Foto: prokuror.gov.kz

Qazaqstannıñ Bas Prokuraturası qatardağı qızmetkerlerdiñ jañartılıp jatqanı turalı mälimdedi.

Baqılauşı organnıñ mälimetinşe, 2017 jıldıñ mausımında Bas Prokraturanıñ işki qauipsizdik basqarması departament bolıp qayta qwrılğan. Ştat 6 adamnan 13-ke deyin köbeytilip, departamentke tergeu boyınşa jwmıs täjiribesi bar qızmetkerler qabıldanuda. Sonday-aq, qılmıstıq isterdi tergeuşi arnayı prokurorlar tobı qwrılğan.

Bwdan bölek, 12 prokuror türli keleñsiz jağdaylar boyınşa qızmetinen bosatılğan.

"Biıl departament 191 tekseru is-şaraların ötkizdi. 93 prokuror ärtürli jauapqa tartıldı. Olardıñ 12-si keleñsiz sebepter boyınşa jwmıstan bosatılsa, altauınıñ lauazımı şektelgen.  Qalğanı türli deñgeydegi tärtiptik jauapkerşilikke tartıldı. Qızmetkerlerdiñ köpşiligi, yağni 40 prokuror Ar-namıs kodeksin bwzğan", - dep habarladı vedomstvodan.

Bwdan bölek, on qızmetkerge qatıstı qılmıstıq is tirkelgen. Olardıñ jeteui basşılıq qızmette bolğan. Sonday-aq, prokuraturada talaptar küşeytilgendikten qızmetkerleriniñ köbi öz erikterimen qızmetten ketken.

Ayta keteyik, soñğı uaqıtta Qazaqstannıñ qwqıq qorğau organdarındağı zañ bwzu aktileri jiiley tüskenin osı mälimetterden-aq bayqauğa boladı. YAğni qatañ tärtip ornatıp, jügensizderdi jönge keltiretin mwnday orındardıñ özinde olqılıqtar bolsa, eldegi tärtipsizdikke eşkim şekteu qoya almaytını belgili.

“The Qazaq Times”