Foto: https://7sunews.kz

Qazaqstanda eki jılda 66 milliard teñge jımqırılğan. Bwl jöninde QR Bas prokuraturasınıñ baspasöz qızmeti habarladı.

Bas prokuratura alqasınıñ otırısında memlekettik bağdarlamalarğa bölingen qarjı jımqırılğan qılmıstıq isterdi tergeudiñ zañğa säykestigi, twrğındardı däri-därmekpen qamtamasız etu mäseleleri talqılanğan. Jiında aytılğan resmi mälimetterge süyensek, 2017 jıldan beri qwqıq qorğau organdarı tergegen 6 mıñ (5940) qılmıstıq istiñ figuranttarı 66 mlrd teñgeni qoldı qılğan. Sol qılmıstıq isterdiñ qazirge deyin 2 685-i sotqa jiberilgen. Prokurorlardıñ aytuınşa, Ükimet Densaulıq saqtau ministrliginde jürgizilgen tekseris kezinde anıqtalğan qwqıq bwzuşılıqtar boyınşa wsınıstı qarağan. Prokuraturanıñ aktileri boyınşa 48 lauazımdı twlğa jauapqa tartılıp, üşeui qızmetinen ketken.

Sonımen qatar, jiında söz söylegen densaulıq ministri Eljan Birtanov ahualdı jaqsartu üşin qoldanılatın şaralardıñ jol kartasına toqtaldı. Osı rette ministrlikke şetelderdiñ densaulıq saqtau jüyesin cifrlandıru täjiribesin üyrenu wsınılıp, däri-därmek bağasın belgileudi aşıq etu, sıbaylas jemqorlıqqa jol bermeu qajettigi aytıldı.

"The Qazaq Times"