Foto: tourweek.ru

"QazMwnayGaz" Wlttıq kompaniyası Qazaqstan qor birjasına 10 payızdan asa akciyalarına ielik etetinin wyımdardıñ tizimi özgergenin habarladı. Habarlamağa säykes, mwnay kompaniyası endi "Euro-Aziya Eyr" äue kompaniyasınıñ akciyalarına ielik etpeydi. 

Bwdan bwrın 2016 jıldıñ jazında wlttıq kompaniya "Euro-Aziya Eyr" äue kompaniyası" AQ-nıñ 100 payız akciyaların saudağa qoyğanın habarlağan. "Samwrıq-Qazına Kontrakt" JŞS aqparatı boyınşa aktivterdiñ alğaşqı bağası 15,5 mlrd teñgeden bastalğan.

"Euro-Aziya Eyr" Astana qalasınıñ Esil audanında tirkelgen. Kompaniyanıñ negizgi qızmeti - paydalı qazba orındarın igeru jäne damıtu boyınşa reysterdi jüzege asıru jäne zañdı, jeke twlğalarğa äue tasımaldarı arqılı qızmet körsetu.

"Euro-Aziya Eyr" -  tikwşaq operaciyaları men jolauşılar tasımalı boyınşa mamandanğan iri kompaniyalardıñ biri.

Äue kompaniyasınıñ parkinde 20 äue kemesi bar, onıñ :

- 12-si Mi-8T tikwşağı (RF);

- 2-ui AS-365N3 ülgisindegi  tikwşaq (Franciya);

- 2-ui Challenger-850 jäne Challenger-870 wşağı (Kanada);

- 4-ui Augusta Westland-139 (Italiya) ülgisindegi  tikwşaq.

“The Qazaq Times”