Foto: Azattıq radiosı

Energetika ministri Qanat Bozımbaev «Qalamqas» kenişindegi örtke baylanıstı mälimdeme jasadı.

«Mümkin dwrıs cementtelmedi nemese karotaj jwmıstarı dwrıs jürgizilmedi. Qazir bastı mäsele örtti toqtatu. Meniñ birinşi orınbasarım (Mahambet Dosmwhambetov – red) qazir sol jerde jwmıs isteude. Bügin ştab şeşuşi mäselelerdi sol jerde qabıldaytın boladı. Videoda gaz, gaz-su qospası januda. Zardap şekkender joq. Ol jerde barlığı täjiribeli mwnayşılar ğoy. Eldi mekender alısta ornalasqan. Bwdan tragediya jasaudıñ qajeti joq. Anıqtaymız, kinäliler jauap beredi, ötemaqı tölenedi» - dedi Bozımbaev jurnalister aldında söylegen sözinde.

Bwğan deyin BAQ betteri men äleumettik jelilerde Mañğıstau oblısındağı «QazMwnayGaz» kompaniyasına tiesili «Qalamqas» kenişiniñ örtenip jatqandığı jöninde aqparattar tarağan. Keyinnen №8237 wñğımasınan naurızdıñ 16-ınan beri gaz-su qospası atqılap jatqandığı jäne onıñ artı naurızdıñ 25-i küni örtke wlasqandığı belgili bolğan.

"The Qazaq Times"