قازمۇنايگاز وزىنە تيەسىلى اۋە كومپانيانى ساتتى

"قازمۇنايگاز" ۇلتتىق كومپانياسى قازاقستان قور بيرجاسىنا 10 پايىزدان اسا اكتسيالارىنا يەلىك ەتەتىنىن ۇيىمداردىڭ ءتىزىمى وزگەرگەنىن حابارلادى. حابارلاماعا سايكەس، مۇناي كومپانياسى ەندى "ەۋرو-ازيا ەير" اۋە كومپانياسىنىڭ اكتسيالارىنا يەلىك ەتپەيدى. 

بۇدان بۇرىن 2016 جىلدىڭ جازىندا ۇلتتىق كومپانيا "ەۋرو-ازيا ەير" اۋە كومپانياسى" اق-نىڭ 100 پايىز اكتسيالارىن ساۋداعا قويعانىن حابارلاعان. "سامۇرىق-قازىنا كونتراكت" جشس اقپاراتى بويىنشا اكتيۆتەردىڭ العاشقى باعاسى 15,5 ملرد تەڭگەدەن باستالعان.

"ەۋرو-ازيا ەير" استانا قالاسىنىڭ ەسىل اۋدانىندا تىركەلگەن. كومپانيانىڭ نەگىزگى قىزمەتى - پايدالى قازبا ورىندارىن يگەرۋ جانە دامىتۋ بويىنشا رەيستەردى جۇزەگە اسىرۋ جانە زاڭدى، جەكە تۇلعالارعا اۋە تاسىمالدارى ارقىلى قىزمەت كورسەتۋ.

"ەۋرو-ازيا ەير" -  تىكۇشاق وپەراتسيالارى مەن جولاۋشىلار تاسىمالى بويىنشا ماماندانعان ءىرى كومپانيالاردىڭ ءبىرى.

اۋە كومپانياسىنىڭ پاركىندە 20 اۋە كەمەسى بار، ونىڭ :

- 12-ءسى Mي-8T تىكۇشاعى (رف);

- 2-ءۋى AS-365N3 ۇلگىسىندەگى  تىكۇشاق (فرانتسيا);

- 2-ءۋى Challenger-850 جانە Challenger-870 ۇشاعى (كانادا);

- 4-ءۋى Augusta Westland-139 (يتاليا) ۇلگىسىندەگى  تىكۇشاق.

“The Qazaq Times”