Foto: Forbes.kz

Bank RBK-nıñ problemalı porfelimen jwmıs üsteu kezinde tüsken qarajat banktiñ iri kreditorlar aldındağı qarızın jabuğa jwmsaladı. Bwl turalı QR Wlttıq banki törağasınıñ orınbasarı Oleg Smolyakov mälimdedi.

Bügin Parlament senatınıñ plenardı otırısında deputattar Bank RBK pen Delta bank-te bolıp jatqan jağdaylardı tüsindirudi swradı.

"Qazirgi kezde Qazaqstanda bank sektorın sauıqtıru mäselesi tendenciyağa aynaldı. Wlttıq bank problemalı bankterdi sauıqtaru şaraların jäne jağdaydı twraqtandıru jwmıstarın endi ğana qolğa alıp jatır. Mwnday jağdayda retteuşi birinşi kezekte täuekel jasau model'derin naqtılap, osınday jağdaylarğa jol bermeui tiis. Endi ekinşi deñgeyli bankterde osınday dağdarıstıq jağdaylardı aldın alu üşin qanday jüyeli şaralar josparlanıp jatır? Problemalı bankterge melmekettik kompaniyalardıñ  qarjısın ornalastıru boyınşa kim jauap beredi?", - dedi senat deputatı Erbolat Mwqaev.

Al Oleg Smolyakov bolsa Bank RBK-nıñ problemalı portfeli üşin beriletin 600 mlrd teñge 5 jılda qaytarıluı mümkin ekenin ayttı.

"Osı portfel'men jwmıs isteu kezinde tüsken qarajattıñ barlığı iri kreditorlardan alınğan qağazdardı töleuge jwmsaladı. Bank jüyesindegi praktikağa süyene otırıp, bwl nesieler  kepildendirilmegendikten, qarajat pen materialdıq emes aktivterdi qaytaru bes jılğa deyin boladı dep boljap otırmız", - dedi Smolyakov.

Ayta keteyik, soñğı uaqıtta atalğan bankke qatıstı qarjı mäseleleri tuındağan bolatın. Sebebi Bank RBK qızmetin qoldanuşılar aqşa şeşip alu mümkin bolmağanı jäne keybir studentter stipendiyaların ala almağandarı turalı aytqan. Osıdan keyin Wlttıq bank atalğan bankten jağdaydı retteudi talap etken. Al Prezident Nwrswltan Nazarbaev bank jwmısı retteletinin jäne kinäliler jazalanatının aytqan.

Sonday-aq,  QR Wlttıq bank törağası Daniyar Aqışev "Qazaqmıs" korporaciyası Bank RBK-ğa investor boluı mümkin ekenin habarlağan edi.

“The Qazaq Times”