Özbekstan qazaqstandıq investorlarmen tığız jwmıs isteuge dayın. Bwl turalı  Taşkentte şeteldik jäne jergilikti investorlardıñ wsınıstarın aşıq talqılau alañında aytıldı.

Büginde jüyeli jwmıstıñ nätijesinde eki el aumağında birneşe birlesken käsiporın jwmıs istep twr. Aldağı uaqıtta  qos eldiñ maşina jasau salası odan äri jandana tüspek.

Jiında Özbekstandağı eñ iri maşina jasau jäne auıl şaruaşılığı tehnikaları men elektr jabdıqtarın şığaratın kompaniyalar özderiniñ investiciyalıq mümkindikterin tanıstırdı.

Bwğan deyin bizdiñ elge jeñil kölik eksporttap kelgen özbekstandıqtar, endi qazaqstandıq käsipkerlerdi birlesip jwmıs isteuge şaqıradı. Oğan qosa Prezident jarlığımen tamız ayınan bastap Özbekstanda şeteldik  kapitalı bar käsiporındar qwru jeñildetildi.

BAHODIR RAHMONOV, «UZAVTOSANOAT» AQ STRATEGIYALIQ JOSPARLAU BÖLİMİNİÑ BASTIĞI:  - Älbette Qazaqstannan bolsın,  basqa elderden bolsın, jalpı investitciya saluşılar bolsa biz olarmen tığız baylanıs ornatuğa dayınbız. Jobanı aldımen birge otırıp talqılaymız, mümkindikterin saralap, qızığuşılıq bolsa ortaq jwmıs isteymiz. Qajet bolsa barlıq jağınan qoldau körsetemiz.

NODIR ABDULLAEV, ÖZBEKSTAN INVESTITCIYALIQ KOMITETİ INVESTITCIYALIQ BÖLİM BASŞISI:  - Biz bügingi şaranı ötkizu arqılı sol mümkindikterge birlese şığudıñ jolın qarastırdıq. Oğan qosa osığan qızuğışılıq tanıtıp otırğan investorlardıñ äleuetin arttırudı közdep otırmız.

“The Qazaq Times”