Photo: Soutniknews.kz

Bügin Qazaqstan prezidenti Nwrswltan Nazarbaev pen Resey basşısı Vladimir Putin  kezdesedi.

Qaraşa ayınıñ 9-ı küni Reseydiñ Çelyabinsk qalasında Nwrswltan Nazarbaev pen Vladimir Putin 14 aymaqaralıq qarım-qatınas forumı ayasında kezdesedi dep kütilude. Forum barısında eki el basşıları jeke kezdesip, Qazaqstan men Resey qarım-qatınası jayında, halıqaralıq kün tärtibindegi mäseleler jayında söylesedi dep kütilude.

Bwdan bölek Nwrswltan Nazarbaev pen Vladimir Putin Qazaqstan men Resey diplomatiyalıq qarım-qatınasına 25 jıl toluına oray birneşe memleketaralıq, ükimetaralıq jäne komerciyalıq qwjattarğa qol qoyadı. Qazaqstan men Resey aymaqaralıq qarım-qatınas forumın jıl sayın kezek-kezek ötkizedi.2016 jılı Qazaqstan tarapı atalmış forumdı däl osı qaraşa ayında Astana qalasında ötkizgen bolatın.

Esteriñizge salayıq, bwğan deyin qaraşa ayınıñ 8-i küni Vladimir Putin soñğı uaqıttarı Nwrswltan Nazarbaevtı sınap jürgen Qırğızstan prezidenti Almazbek Atambaevpen telefon arqılı söylesken bolatın.

“The Qazaq Times”