Photo: Soutniknews.kz

بۇگىن قازاقستان پرەزيدەنتى نۇرسۇلتان نازارباەۆ پەن رەسەي باسشىسى ۆلاديمير پۋتين  كەزدەسەدى.

قاراشا ايىنىڭ 9-ى كۇنى رەسەيدىڭ چەليابينسك قالاسىندا نۇرسۇلتان نازارباەۆ پەن ۆلاديمير پۋتين 14 ايماقارالىق قارىم-قاتىناس فورۋمى اياسىندا كەزدەسەدى دەپ كۇتىلۋدە. فورۋم بارىسىندا ەكى ەل باسشىلارى جەكە كەزدەسىپ، قازاقستان مەن رەسەي قارىم-قاتىناسى جايىندا، حالىقارالىق كۇن تارتىبىندەگى ماسەلەلەر جايىندا سويلەسەدى دەپ كۇتىلۋدە.

بۇدان بولەك نۇرسۇلتان نازارباەۆ پەن ۆلاديمير پۋتين قازاقستان مەن رەسەي ديپلوماتيالىق قارىم-قاتىناسىنا 25 جىل تولۋىنا وراي بىرنەشە مەملەكەتارالىق، ۇكىمەتارالىق جانە كومەرتسيالىق قۇجاتتارعا قول قويادى. قازاقستان مەن رەسەي ايماقارالىق قارىم-قاتىناس فورۋمىن جىل سايىن كەزەك-كەزەك وتكىزەدى.2016 جىلى قازاقستان تاراپى اتالمىش فورۋمدى ءدال وسى قاراشا ايىندا استانا قالاسىندا وتكىزگەن بولاتىن.

ەستەرىڭىزگە سالايىق، بۇعان دەيىن قاراشا ايىنىڭ 8-ءى كۇنى ۆلاديمير پۋتين سوڭعى ۋاقىتتارى نۇرسۇلتان نازارباەۆتى سىناپ جۇرگەن قىرعىزستان پرەزيدەنتى المازبەك اتامباەۆپەن تەلەفون ارقىلى سويلەسكەن بولاتىن.

“The Qazaq Times”