Foto: Lenta.ru

Reseyde Özbekstan basşısı Islam Kärimovke Mäskeu qalasında eskertkiş ornatuğa qarsı akciya ötude.

Qarsılıq akciyasın wyımdastıruşılardıñ biri LDPR partiyasınıñ müşesi Georgiy Gorodeckiy. Onıñ sözinşe, Mäskeu qalasında "orıs halqınıñ jauı jäne diktator" Islam Kärimovke eskertkiş ornatuğa bolmaydı. Jäne de Resey biligine Özbekstanmen arağa viza engizu qajet. Äytpese Reseyge jıl sayın orıs tilin bilmeytin, tüsinbeytin, jaza almaytın mıñdağan özbek jwmıs isteuge kelude. Gorodeckiy öz oyın jüzege asıru üşin "Change.org" saytında atalmış bastamanı qoldaytın adamdardıñ qolın jinau jwmıstarın bastap ketken. Qazirgi tañda 6 mıñnan astam adam Gorodeckiy közqarasımen kelisetinin aytıp dauıs bergen.

Esteriñizge salayıq, 2016 jılıñ 1 qaraşa küni Mäskeu qalasınıñ meri Sergey Sobyanin Özbekstan elşiligi ornalasqan YAkimanka audanında Islam Kärimov eskertkişin 2019 jıldıñ 31 jeltoqsanına deyin ornatu kerektigin aytqan bolatın. Eskertkiş qwnı 35 million rubl'di qwraydı. Atalmış qarjını tolığımen Özbekstan biligi öz moyınana alğan. Al qwrılıs jwmıstarın Resey tarapı jürgizetin bolğan.

Jalpı Reseyde 2 millionnan astam özbek wltı twradı. RF köşi-qon qızmeti taratqan soñğı mälimetter boyınşa, qazirgi tañda Resey aumağında 1 million 700 mıñnan astam eñbek migranttarı bar. Olardıñ 200 mıñnan astamı Özbekstan azamattarı.

“The Qazaq Times”