Şımkent qalasınıñ äkimi bolıp tağayındalğan  Nwrlan Sauranbaev.

Qazaqstan Respublikası Prezidenti Äkimşiligi men qalalıq mäslihattıñ kelisimi boyınşa Oñtüstik Qazaqstan oblısı äkiminiñ ökimimen Şımkent qalasınıñ äkimi bolıp  Nwrlan Sauranbaev tağayındaldı,-dep habarlaydı oblıs äkiminiñ baspasöz qızmeti.

Oblıs äkimi Janseyit Tüymebaev Şımkent qalasınıñ äkimi lauazımına tağayındalğan Nwrlan Ermekwlı Sauranbaevtı qala aktivine tanıstırıp, aldağı jwmısına sättilik tiledi.

N.E.Sauranbaev 1967 jılı 20 mamırda tuğan, bilimi joğarı, mamandığı - ekonomist.

Eñbek jolın 1991 jılı qazirgi Astana qalasında «Eñbek» kompaniyasınıñ bas direktorı bolıp bastağan.

1997-2002 jıldarı Qazaqstannıñ käsipkerler kongressiniñ atqaruşı direktorı, «Qazaqstan temir jolı» respublikalıq memlekettik käsiporınnıñ «Jolauşılar tasımalı» enşiles käsiporın direktorı, «ANPZ» aşıq akcionerlik qoğamınıñ birinşi vice-prezidenti retinde eñbek etken.

2002-2016 jıldarı «QazMwnayGaz» Wlttıq kompaniyası» akcionerlik qoğamınıñ Injiniringtik jäne servistik qızmetter departamentiniñ direktorı, Mwnaydı tasımaldau jönindegi basqaruşı direktorı, Servistik jobalar jönindegi basqaruşı direktorı, Qazaqstan Respublikasınıñ Industriya jäne jaña tehnologiyalar vice-ministri, Qazaqstan Respublikasınıñ Qorğanıs ministriniñ orınbasarı lauazımdarın atqarğan.

2017 jıldıñ aqpan ayınan bastap EKSPO-2017 halıqaralıq mamandandırılğan körmesin äzirleu jäne ötkizu mäseleleri jönindegi ştabtıñ wyımdastıru komitetiniñ basşısı  lauazımın atqarıp kelgen.

“The Qazaq Times”