شىمكەنت قالاسىنا جاڭا اكىم تاعايىندالدى

قازاقستان رەسپۋبليكاسى پرەزيدەنتى اكىمشىلىگى مەن قالالىق ءماسليحاتتىڭ كەلىسىمى بويىنشا وڭتۇستىك قازاقستان وبلىسى اكىمىنىڭ وكىمىمەن شىمكەنت قالاسىنىڭ اكىمى بولىپ  نۇرلان ساۋرانباەۆ تاعايىندالدى،-دەپ حابارلايدى وبلىس اكىمىنىڭ ءباسپاسوز قىزمەتى.

وبلىس اكىمى جانسەيىت تۇيمەباەۆ شىمكەنت قالاسىنىڭ اكىمى لاۋازىمىنا تاعايىندالعان نۇرلان ەرمەكۇلى ساۋرانباەۆتى قالا اكتيۆىنە تانىستىرىپ، الداعى جۇمىسىنا ساتتىلىك تىلەدى.

ن.ە.ساۋرانباەۆ 1967 جىلى 20 مامىردا تۋعان، ءبىلىمى جوعارى، ماماندىعى - ەكونوميست.

ەڭبەك جولىن 1991 جىلى قازىرگى استانا قالاسىندا «ەڭبەك» كومپانياسىنىڭ باس ديرەكتورى بولىپ باستاعان.

1997-2002 جىلدارى قازاقستاننىڭ كاسىپكەرلەر كونگرەسسىنىڭ اتقارۋشى ديرەكتورى، «قازاقستان تەمىر جولى» رەسپۋبليكالىق مەملەكەتتىك كاسىپورىننىڭ «جولاۋشىلار تاسىمالى» ەنشىلەس كاسىپورىن ديرەكتورى، «انپز» اشىق اكتسيونەرلىك قوعامىنىڭ ءبىرىنشى ۆيتسە-پرەزيدەنتى رەتىندە ەڭبەك ەتكەن.

2002-2016 جىلدارى «قازمۇنايگاز» ۇلتتىق كومپانياسى» اكتسيونەرلىك قوعامىنىڭ ينجينيرينگتىك جانە سەرۆيستىك قىزمەتتەر دەپارتامەنتىنىڭ ديرەكتورى، مۇنايدى تاسىمالداۋ جونىندەگى باسقارۋشى ديرەكتورى، سەرۆيستىك جوبالار جونىندەگى باسقارۋشى ديرەكتورى، قازاقستان رەسپۋبليكاسىنىڭ يندۋستريا جانە جاڭا تەحنولوگيالار ۆيتسە-ءمينيسترى، قازاقستان رەسپۋبليكاسىنىڭ قورعانىس ءمينيسترىنىڭ ورىنباسارى لاۋازىمدارىن اتقارعان.

2017 جىلدىڭ اقپان ايىنان باستاپ ەكسپو-2017 حالىقارالىق مامانداندىرىلعان كورمەسىن ازىرلەۋ جانە وتكىزۋ ماسەلەلەرى جونىندەگى شتابتىڭ ۇيىمداستىرۋ كوميتەتىنىڭ باسشىسى  لاۋازىمىن اتقارىپ كەلگەن.

“The Qazaq Times”