Oñtüstik Qazaqstannıñ ekonomikasına qatıstı 30 derek

Oñtüstik Qazaqstan oblısınıñ äkimi Janseyit Tüymebaev oblıstıq mäslihattıñ kezekti XIV sessiyasında biılğı jıldıñ 7 ayında atqarılğan jwmıstar boyınşa esep berdi. Äkimniñ mälimetteri boyınşa OQO-nıñ äleumettik-ekonomikalıq damu körsetkişterine qatıstı tömendegidey 30 derek anıqtaldı.

1.      Oñtüstik Qazaqstan oblısında İ jartıjıldıqta jalpı öñirlik önimi 1,4 trln teñgeni qwrap, ösim 101,5 payızğa jetti;

 2.      2017 jıldıñ 7 ayında oblısta 439,1 mlrd tegeniñ önerkäsip önimi öndirilip, ötken jıldıñ säykes kezeñimen salıstırğanda 0,3 payızğa ösken;

3.      OQO-da 187,8 mlrd teñgeniñ auıl şaruaşılıq önimi öndirilip, kölemi ötken jıldıñ tiisti kezeñimen salıstırğanda 2,7%-ğa arttı;

4.      Oñtüstikte osı jılı qosımşa 297 kooperativ qwrılıp, jalpı sanı  539-ğa jetti. Ötken jılğa qarağanda 2 ese artqan. Kooperaciya qwru jwmıstarı boyınşa Oñtüstik Qazaqstan respublika boyınşa İ orında.

5.      OQO-da jıl basınan beri 2179 şağın mal bordaqılau alañdarı aşılıp, jalpı 11 746 birlikke jetti. Al, osı uaqıt işinde 621 janwyalıq süt fermaları iske qosılıp, 2 661 birlikti qwradı.

6.      Egis kölemi ötken jılmen salıstırğanda 27,4 mıñ ga köbeytilip, 816,2 mıñ ga jetti;

7.      2017 jılı negizgi kapitalğa 229,9 mlrd teñge investiciya tartıldı. Bwl ötken jıldıñ tiisti kezeñimen salıstırğanda 31%-ğa arttı, yağni, 50 mlrd. teñgege köp. Bwl respublikadağı ülesiniñ 5,7 % qwradı.

8.      Öñirge köptep investiciya tartu maqsatında jıl basınan beri şetel investorlarımen 40-tan asa iskerlik kezdesuler wyımdastırıldı. Nätijesinde, BAÄ – medicinalıq bwyımdar jäne därilik zattar şığaratın zauıt salu, Resey elimen – Evro-5 standartına say janar-jağarmay öndiretin mwnay öñdeu zauıtı men Qıtay elimen birlese bioetalon, fosfor tıñaytqışın  şığaratın jäne 200 MVt kün elektr stanciyasın salu üşin kelisimge keldi.

9.      «Nwrlı jol» bağdarlaması ayasında biıl  oblısta 32 nısannıñ qwrılısı jürgizilude. Qwrılıs jwmıstarınıñ nätijesinde uaqıtşa 4 460 jwmıs ornı qwrıldı. 7 ayda 2 mekteptiñ qwrılısı ayaqtalsa, jıl soñına deyin 16 (6 apattı, 10 üş ausımdı) jäne oblıstıq byudjetten qosa qarjılandıru esebinen 3 mekteptiñ (2 apattı,   1 üş ausımdı), 3 infraqwrılımdı paydalanuğa beru josparlanuda.

10.  «Nwrlı jer» bağdarlamasınıñ 5 bağıtı boyınşa 226 twrğın üy qwrılısı jürgizilude (10 879 päter,  737,6 mıñ şarşı metr). Biıl 115 üydiñ (6 375 päter, 388,7 mıñ şarşı metr) qwrılısı ayaqtalıp, paydalanuğa beriledi. Bügingi tañğa josparlanğan  6 375  otbasınıñ   3 123-i baspanamen qamtıldı.

11.  Respublika boyınşa şağın jäne orta käsipkerlik sub'ektileriniñ sanı jağınan köş bastaytın Oñtüstikte büginde jwmıs istep twrğan ŞOK sub'ektileri  177 709 birlikke jetti. Al, bwl salada jwmıspen qamtılğandar 331 490 adamdı qwrasa, olarmen  158,3 mlrdteñgeniñ önimi öndirilgen.

12.  Osı jıldıñ jeti ayında 10 nauqasqa  büyrek almastıru, 3 nauqasqa bauır almastıru otası jasaldı.

13.  «Emhanağa tirkel de – äleumettik medicinalıq saqtandıru jüyesindegi öz märtebeñdi anıqta!» nauqanı ayasında emhanağa 2,8 mln. adam tirkelgen.

14.  Mektepke deyingi bilim beru wyımdarı 1677-ke jetti. Bwl ötken oqu jılımen salıstırğanda 95-ke köp. Al, 3-6 jas aralığındağı balalardıñ balabaqşamen qamtu körsetkişi 170 mıñ bala payızı – 86,1% (2016 j. – 84,6%).

15.  Jaña oqu jılında oblıs mektepterinde 640 mıñğa juıq oquşı (2016 j. - 611 mıñ oquşı) bilim aladı dep kütilude, onıñ 73 mıñı birinşi sınıpqa baradı.

16.  OQO-da 79 bilim beru nısandarınıñ qwrılısı jürgizilip jatır. Onıñ işinde jıl basınan beri 7 mektep tapsırılsa, onıñ 6-uı jaña mektep. Al, 1 qırküyek küni 20 mektep paydalanuğa berilse,  2 – ui jıl soñında tapsırıladı (2018 j.- 50 ötpeli). Osılayşa, biıl 8 apattı jäne 12 üş auısımdı mektepterdiñ mäselesi şeşiletin boladı.

17.  «Serpin-2050» jobası ayasında, Soltüstik, Şığıs, Batıs Qazaqstan oblıstarınıñ jäne Aqtöbe, Aqmola, Qostanay, Pavlodar, Qarağandı, Atırau oblıstarınıñ joğarı oqu orındarında – 4 698 jas, kolledjderde – 929 jas bilim aluda.

18.  «Diplommen auılğa» jobası ayasında, ağımdağı jılı 966 mamanğa 153,8 mıñ teñge köleminde birjolğı köterme järdemaqı qarastırılıp, bügingi tañda 673 jas maman jwmısqa ornalastı.

19.  «Örleu» jobası boyınşa şarttı aqşalay kömek 14 457 otbasındağı 83 306 adamğa 4,2 mlrd. teñge tağayındalıp tölendi, olardıñ işindegi 17 406 eñbekke jaramdı azamattıñ 15 764-i twraqtı jwmıspen qamtıldı. Bwl jobanı orındau boyınşa öñirimiz respublikada İ orında.

20.  Respublikalıq jäne Aziya çempionattarında, Älem çempionattarı men Kuboktarında  oblıs sportşıları 443 altın, 421 kümis, 418 qola medal' jeñip aldı.

21.  2017 jılı su qwbırı müldem joq 10 eldi meken , yağni, 12,3 mıñ halıq jaña auız su qwbırlarınıñ qwrılısı jürgizilip, paydalanuğa beriledi.

22.  2017 jılı öñirdegi 72 eldi mekende gazdandıru qwrılısınıñ jwmıstarı jürgizilude. Jwmıs kölemi ötken jılmen salıstırğanda 3 esege artqan. Jıl soñında 50 eldi meken yağni, 80 mıñ halıq tabiği gazben qamtıladı.

23.  Oblıstıq jäne audandıq mañızı bar 801,8 şaqırım joldarda qwrılıs-jöndeu jwmıstarı jürgizilip, jıl soñına deyin 115,4 şaqırım jol paydalanuğa beriledi.

24.  «Ruhani jañğıru» bağdarlamasınıñ qoğamdıq sanasın jetildirudiñ 6 bağıtın jüzege asıru ayasında oblısta 428 türli josparlı is-şaralar jürgizildi jäne 95 joba jüzege asırıladı.

25.  Şekaralıq Ögem özeni jönindegi Özbekstan Respublikasınıñ kelisimi nätijesinde  700 mıñ adam auız sumen qamtamasız etilmek.

26.  2006 jıldan beri jabılğan halıqaralıq mañızı bar «Taşkent - Termez» bağıtındağı avtomobil' jolı men «Sırdariya» ötkizu punkti  qayta paydalanuğa berildi.

27.  Oñtüstik Qazaqstan oblısında tarihi-mädeni mañızı bar 1281 eskertkiş esepke alındı.

28.  Industriyalandıru kartasımen oblısta jıl basınan beri qwnı 1,7 mlrd. teñge bolatın 3 joba iske qosıldı. Al,jıldıñ soñına deyin 14joba jüzege asırılmaq.

 29.  2017 jılı «Ontustik» käsipkerlerge qızmet körsetu ortalığı 11,3 mıñ käsipkerge kömek körsetildi.

30.  Käsipkerlikti qoldau maqsatında «Oñtüstik» aymaqtıq investiciyalıq ortalığı 7% mölşerlede 1 963 jobanı qarjılandırdı.

“The Qazaq Times”