Oñtüstik Qazaqstan oblısınıñ äkimi Janseyit Tüymebaev.

Oñtüstik Qazaqstan oblısınıñ äkimi Janseyit Tüymebaev oblıstıq mäslihattıñ kezekti XIV sessiyasında biılğı jıldıñ 7 ayında atqarılğan jwmıstar boyınşa esep berdi, dep habarlaydı OQO äkimdigiñ baspasöz qızmeti. 

Äkimniñ bergen esebi boyınşa 2017 jıldıñ 7 ayında oblısta mañızdı äleumettik-ekonomikalıq körsetkişterdiñ ösimi saqtalğan. Osı uaqıt işinde oblısta 439,1 mlrd teñgeniñ önerkäsip önimi öndirilip, ötken jıldıñ säykes kezeñimen salıstırğanda 0,3 payızğa ösken. Al, önerkäsip salasındağı öñdeu önerkäsibi 301,3 mlrd teñgeni qwrap, 34,6 mlrd. teñgege artqan.

Bayandamada körsetilgendey osı jılı negizgi kapitalğa 229,9 mlrd teñge investiciya tartılıp, bwl respublikadağı ülesiniñ 5,7 % qwrağan. Öñirge köptep investiciya tartu maqsatında jıl basınan beri şetel investorlarımen 40-tan asa iskerlik kezdesuler wyımdastırıldı.

Nätijesinde, BAÄ – medicinalıq bwyımdar jäne därilik zattar şığaratın zauıt salu, Resey elimen – Euro-5 standartına say janar-jağarmay öndiretin mwnay öñdeu zauıtın salu, al Qıtay elimen birlese bioetalon, fosfor tıñaytqışın  şığaratın jäne 200 MVt kün elektr stanciyası qwrılıstarın jürgizu maqsatında kelisimderge keldi.

Sonday-aq, oblısta jwmıs istep twrğan şağın jäne orta käsiporın sub'ektileri 177 709 birlikke jetken. Al, bwl salada jwmıspen qamtılğandar 331 490 adamdı qwradı. Olarmen 158,3 mlrd teñgeniñ önimi öndirilgen.

Sessiyada oblıs basşısınıñ jwmısın oñ bağalağan deputattar audan, qalanıñ damuı jäne twrğındardıñ äl-auqatın jaqsartu bağıtında wsınıstarı men özekti mäseleler boyınşa swraqtarın qoydı.

Ayta keteyik, Janseyit Tüymebaev Oñtüstik Qazaqstan oblısına äkim bolğalı basqa emes osı öñirden soltüstikke köşken otbasılar sanı köbeydi jäne köşkenderdiñ köpşiligi jwmıssız, äleumettik jağdayı orta twrğındar.

“The Qazaq Times”