Almatıda qwqıqtıq qızmet körsetetin ortalıq aşıldı. Bwl turalı Almatı qalası äkimdiginiñ baspasöz qızmeti habarladı. Ortalığınıñ aşıluına QR Bas prokurorı  Jaqıp Asanov pen Almatı äkimi Bauırjan Baybek qatıstı.

«Bir tereze» qağidası  boyınşa jwmıs isteytin qwqıqtıq qızmet körsetu Ortalığınan qala twrğındarı naqtılı  is boyınşa özderine qajet barlıq aqparattı ortalıq operatorlarınan aladı. Jwmıs formatı halıqqa qızmet körsetu ortalıqtarınıñ jwmısına wqsas, keluşiler aldımen resepşennen ötip, keñes  aladı. Sodan soñ özderin tolğandırğan mäsele boyınşa  operatorlarğa baradı, olar keluşilerdi prokurorlarğa, advokattarğa, mediatorlarğa jäne basqa da mamandarğa jiberedi, bwlardıñ barlığı tegin zañgerlik ıqzmet körsetedi.

Qwqıqtıq qızmet Ortalığınıñ jalpı kölemi 600 şarşı metr, zamanaui injenerlik- tehnikalıq qondırğılarmen jabdıqtalğan jaylı keñse, mwnda elektrondı  kezek jüyesi, «Connection Point» özine-özi qızmet körsetu sektorı, kütu zalı jäne basqa qajetti infraqwrılımdar bar. Ortalıq qabırğaları şınıdan jasalğan, ol qwqıqqorğau qwrılımdarınıñ aşıqtıqtığın, jariyalılığın qamtamasız etedi.

«Ortalıqtıñ mindeti sapalı qwqıqtıq qızmet körsetu. Onıñ aşıluı memlekettik jäne qwqıq qorğau organdarınıñ jwmısın aşıq etedi jäne twrğındardıñ senimin arttıradı. Ärbir almatılıq  qwqıq qorğau ortalığına kelgen soñ sapalı kömek alatınına senimdi boluı tiis. Bizdi qoldağan jäne ortalıqtıñ aşıluına barlıq jağdaydı jasağan Almatı äkimdigine alğısımdı bildiremin. Ortalıq qızmetkerleriniñ bastı mindeti – sapalı  qızmetti qamtamasız etu», - dedi  bas  prokuror.

“The Qazaq Times”