Sayasi belsendi Janbolat Mamay sot mindettese de "Nwr Otan" partiyası törağasınıñ birinşi orınbasarı Bauırjan Baybek jaylı fil'min öşirmeytinin mälimdedi. Bwl turalı ol bügin, 15 mausımda Almatıda ötken baspasöz mäslihatında ayttı. 

Mamaydıñ aytuına qarğananda, sot şeşimi ädiletsiz.

"Biz sottıñ şeşimimen kelispeymiz. Sot şeşimi ädiletsiz, zañsız dep sanaymız. Men özim sottıñ şeşimin orındamaymın. Bauırjan Baybek turalı eşqanday materialdar öşirilmeydi, keltirilgen derekter joqqa şığarılmaydı. Belgilengen uaqıtında apelaciyalıq şağımdı da mindetti türde tapsıramız. Joğarı sotqa şağımdanamız. Odan keyin BWW-nıñ adam qwqığın qorğaytın kommitetine de mindetti türde jüginemiz" dedi Mamay jurnalisterge.

Bügin Almatı qalası Äuezov audandıq №2 sotı Bauırjan Baybektiñ  Janbolat Mamay men onıñ äyeli Inga Imanbaydıñ üstinen tüsirgen şağımı boyınşa şeşim şığarğan. Sot Mamaydı Baybek jaylı şığarğan fil'mdi öşiruge mindettegen edi.

33 jastağı Janbolat Mamay säuirde Youtube-tegi "Demokratiyalı Qazaqstan/Demokratiçeskiy Kazahstan" arnasında "Bauırjan Baybek: Nazarbaev sınıptası balasınıñ jemqor biznes-imperiyası" attı zertteu jariyalağan. Ol zertteude Janbolat Mamay Almatınıñ bwrınğı äkimi Bauırjan Baybekti "memlekettik qızmette jürip ülken biznes-imperiya qwrdı", "Almatı äkimi bolğan 4 jılda 1 milliard dollar zañsız aqşa taptı", "qwrılısqa jäne kölik twrağına" qala aumağınıñ jäne İle-Alatau wlttıq parkiniñ "jerin berdi", "para aldı", "kömir mafiyasın qwrdı" jäne Almatıdağı JES-2-ni "gazğa köşirudi keşeuildetti", "adam qwqıqtarın bwzdı" dep ayıptağan.

"The Qazaq Times"