Biıl mausımda Almatı  qalası Äuezov audandıq sotınıñ ükimine say "Nwr Otan" partiyası törağasınıñ birinşi orınbasarı Bauırjan Baybekke 950 mıñ teñge köleminde ayppwl töleuge mindettelgen oppoziciya belsendisi Janbolat Mamay sot mindettegen aqşanı halıqtan "Baybekke sadaqa" degen akciya arqılı jinaytının mälimdedi.  

"Biz Baybekke sadaq jinayıq dep otırmız. Almatınıñ köşelerinde jinaymız, äleumettik jeliler arqılı jinaymız. Osı qarajattı Baybekke jinap berudi dwrıs dep sanap otırmız. Öytkeni Baybek - halıqtı sorıp kele jatqan şeneunik. Bwrın onıñ wrlap jürgeni jasırın boldı. YAğni, qwpiya türde, jabıq türde wrlap jattı. Eşkimge körsetpey. Endi biz halıqtı qalay tonap jatqandığın sadaqa jinau arqılı bükil älemge paş etkimiz kelip otır" dedi Janbolat Maymay seysenbi küni äleumettik jelige jariyalağan videosında.

Mausımda şıqqan sot şeşimine say, Mamay men äyeli Inga Imanbay Baybek jaylı fil'mdi internetten öşirip, ondağı derekti joqqa şığaruğa mindettelgen. Biraq Janbolat Mamay äleumettik jelige jariyalanğan video öşirilmeytinin jäne onı teriske şığarmaytının mälimdedi.

Baybek pen Mamay arasındağı daudıñ tuındauına säuir ayında şıqqan fil'm-zertteu türtki bolğan. Janbolat Mamay säuirde Youtube-tegi "Demokratiyalı Qazaqstan/Demokratiçeskiy Kazahstan" arnasında "Bauırjan Baybek: Nazarbaev sınıptası balasınıñ jemqor biznes-imperiyası" attı video jariyalağan. Derekti fil'm stilinde tüsirilgen videoda Janbolat Mamay Almatınıñ bwrınğı äkimi Bauırjan Baybekti "memlekettik qızmette jürip ülken biznes-imperiya qwrdı", "Almatı äkimi bolğan 4 jılda 1 milliard dollar zañsız aqşa taptı", "qwrılısqa jäne kölik twrağına" qala aumağınıñ jäne İle-Alatau wlttıq parkiniñ "jerin berdi", "para aldı", "kömir mafiyasın qwrdı" jäne Almatıdağı JES-2-ni "gazğa köşirudi keşeuildetti", "adam qwqıqtarın bwzdı" dep ayıptağan. Al Baybek "Mamaydıñ aytqandarı dälelsiz" dep sotqa şağımdanğan.

The Qazaq Times