«Oñtüstik» öñirlik qolbasşılığına qarastı 5571 äskeri bölimi

Bügin Wlttıq wlannıñ «Oñtüstik» öñirlik qolbasşılığına qarastı 5571 äskeri böliminiñ saptıq alañında Rio olimpiadasınıñ çempiondarı Dmitriy Balandin, Nidjat Rahimov jäne birqatar sportşılar saltanattı türde äskeri ant qabıldap, resmi türde Wlttıq wlan qatarına ötti.

Qazaqstannıñ kök bayrağın älem dodalarında biikke jelbiretip, el namısına selkeu tüsirmegen sportşılar alğaş ret qaru asınıp, komandirler men jeke qwram aldında Otan aldında aqtıq demderi qalğanşa adal boluğa ant berdi.

Äskeri bölimniñ Jauıngerlik Tuı şığarılğan sätte jeke qwrammen bir sapta sap tüzegen jüzu şeberi Dmitriy Balandin men ziltemirşi Nidjat Rahimov olimpiada oyındarında altın medal' alıp, Qazaqstannıñ memlekettik Tuı biikke köterilgende erekşe tolqınıspen  änwrandı şırqasa, bügin de Jauıngerlik Tu şığarılğanda  beynebir sonday küy keşti.

Wlandıq sportşı jauınger atanularımen sportşılardı qwttıqtauğa Wlttıq wlannıñ «Oñtüstik» öñirlik qolbasşılığı qolbasşısınıñ mindetin atqaruşı general-mayor Andrey Kaskelenov keldi. Ol öz sözinde: «Qwrmetti sportşılar, bügin sizder Otan aldında saltanattı türde äskeri ant qabıldap, Wlttıq wlan qatarına kirip otırsızdar. Elimizdiñ egemendigi men Täuelsizdigin qorğau jolında Wlttıq wlan sarbazdarı qaşan da öz aldına qoyılğan mindetterdi abıroymen atqaruda. Sizder de özderiñizge artılğan mindetterdi qaysarlıqpen orındap, bügingi qabıldağan anttarıñızğa adal boladı degen senimdemin!» - dedi.

Qolına qaru wstap äskeri ant qabıldağan Dmitriy Balandin: «Wlandıq jauınger atanğanıma şın jürekten quanıştımın. Bwrın-soñdı qolıma Kalaş qaruın wstap körmegendikten jäne saptıq alañda saptıq adımmen jürip körmegendikten äskeri ant qabıldau sätinde säl qobalju boldı. Biraq Otan aldında özge de sarbazdar sekildi äskeri kiim kiip ant qabıldau säti mağan erekşe köñil-küy sıyladı. Özime artılğan mindetterdi abıroymen orındap, elimizdiñ, häm Wlttıq wlannıñ namısın qaşan da biik wstauğa tırısamın, antıma adal bolamın, Qazaqstan Respublikasına qızmet etemin!» - dep ağınan jarıldı.

Ant qabıldau - Otanıña, halqıña aqtıq demiñ şıqqanşa adal bolu, el basına sın sağat tüsse, onda moyımay köteru, qajet bolsa, jan qiyu degen söz. Ant – adaldıq ruhı. Halqımız «Anttan attağanı – ardan attağanı», - deydi. YAğni, adamzat normalarınıñ qalıptasqan şegi ar bolsa, onı bwzu opasızdıqqa jatadı. Talay ğasır halqınıñ erkindigin sırtqı jaulardan qorğağan Qabanbay, Bögenbay, Naurızbay sındı batır babalarımızdıñ, keşegi faşizmniñ otın öşirgen maydanger atalarımızdıñ amanattağan Otanımızdıñ täuelsizdigin qırağı küzetu - eñ wlıq qızmet.

"The Qazaq Times"