foto: euronews.com

Braziliya prezidenti Mişel' Temer (Michel Temer) esirtki biznesiniñ töñiregindegi zorlıq-zombılıqqa jauap retinde  Rio-de-Janeyronıñ qauipsizdigin tolıq baqılauına alatın jarğığa qol qoydı, - dep habarlaydı Euronews aqparat agenttigi. 

Sonımen qatar el basşısı barlıq aymaqta qauipsizdik operaciyaların basqaru üşin arnayı ministrlik qwratının ayttı.

«Bir aymaqtıñ jağdayı naşarlay bastağanda ädette körşiles qalalarda da däl sonday jağday bayqaladı. Sonıñ aldın alu üşin Rio-de-Janeyrodağı älsizderdi qorğau jolında belsendi türde jwmıs isteymiz», - deydi prezident.

1985 jılı äskeri diktaturanı basınan keşirgen elde bwl şeşim qoğamdıq pikirdi ekige böldi.

Jergilikti twrğındardıñ aytuınşa, äskeri intervenciyanı qoldanğanda öte abay bolu kerek. Sebebi bilikti asıra paydalanu men qoğamdıq tärtipsizdik arasında demokratiya men erkindik wmıtılmağanı jön. «Bir jağınan, gubernatormen kelispeuge de bolmaydı, eldegi zorlıq-zombılıq deñgeyi ömirde bolmağan joğarı deñgeyge köterildi» - deydi twrğındar.

Tipti osı jılı ötken karnaval kezinde de jergilikti bandalar turister köp jüretin orındarğa qarumen kirip kelip, wrlıq jasağan (surette körsetilgen).

Biraq ol samba mektepterine Temmer rejimine qarsı narazılıqtarın bildiruge eş kedergi keltirmedi.

“The Qazaq Times”