Foto: Sputnik Kazahstan

Bir ayğa juıq uaqıtta Qırğızstan tasımaldauşıları Qazaqstan Respublikası zañnamasın 360 ret bwzğan, dep habarlaydı Investiciyalar jäne damu ministrliginiñ baspasöz qızmeti.  

Ministrliktiñ Kölik komiteti ökilderiniñ mälimetinşe, biıl qazan ayınıñ 10-ı men 30-ı aralığında  Qırğız Respublikasınıñ 3054 avtokölik qwralı tekserilgen.

"Tekseristerdiñ nätijesinde tasımaldauşılarğa jalpı soması 11,8 million teñge köleminde ayıppwl salındı. Eñ jii kezdesetin zañ bwzuşılıq tez bülinetin jükterdi tasımaldau sertifikatınıñ bolmauı.  Mwnday zañ bwzuşılıqtıñ ülesinde 151 derek  bar nemese 40%-dı qwraydı", - delingen baspasöz habarlamasında.

Sonday-aq, tauar-kölik jük qwjatınıñ (CMR) bolmağanı üşin tasımaldauşılarğa 103 ret ayıppwl salındı; salmaq jäne gabarit parametrlerin saqtamağanı üşin 69 ret; jolauşılardı twraqsız tasımaldauğa arnalğan  qazaqstandıq rwqsat blankileriniñ bolmağanı üşin 13 ret; kabotajdı tasımal jasağanı üşin –11 ret; jükterdi tasımaldau erejelerin bwzğanı üşin 6 ret; qauipti jükterdi tasımaldau erejelerin bwzğanı üşin 5 ret jäne tağı basqa daerejelerdi bwzğanı üşin ayıppwldar salındı.

Ayta keteyik, soñğı ayda qazaq-qırğız arasında sayasi -ekonomikalıq jağday şielenise tüsken. Qırğız prezidenti Almazbek Atambaevtıñ birneşe ret Qazaqstanğa qarata aytqan mälimdemeleri qazaq biligin ünsiz qaldırğan joq. Alayda bwl teketiresten bilik emes, şağın biznes ökilderi men qarapayım halıq zardap şegip otır.

“The Qazaq Times”