Är minut, är sağat, är kün sayın elimizde, älemde halıqtı eleñ etkizer mañızdı jañalıqtar boladı. Al onıñ biri közge ilinse, endi biri nazardan tıs qalıp jatadı. Endeşe The Qazaq Times oqırmandarı üşin osı aptada bolğan eñ mañızdı ekonomika jañalıqtarına şolu jasaydı.

Aqışev: Kriptovalyutanıñ ne ekenin meniñ özim äli tüsine qoyğan joqpın

QR Wlttıq bank törağası Daniyar Aqışev 25 qazan küni Ortalıq kommunikaciya qızmetinde ötken baspasöz konferenciyasında kriptvalyutanıñ ne ekenin äli tüsine qoymağanın mälimdedi.

"Men kriptovalyutanıñ ne ekenin özim äli künge onşa tüsine qoyğan joqpın. Bwl ne ortaq qalıptı emitenti, ne birıñğay ortalıqtandırılğan organı joq qwral. Tipti eştemege tirkelmegen jäne onıñ qwnı spekulyativti operaciyalarğa negizdelgen. Sondıqtan adamdar investiciyalağısı keletin mwnday aktivterdiñ saqtaluın eşkim qamtamasız etkisi kelmeydi", - dedi Aqışev.

Şayahmetova bankterge beriletin qarjınıñ biraz böligi joğaluı mümkin ekenin joqqa şığarmaydı

Halıq banktiñ basqarma törağası Ümit Şayahmetova Wlttıq banktiñ bank sektorınıñ qarjılıq twraqılığına qatıstı bağdarlamasına bağa berdi. Ol bağdarlama boyınşa bankterge beriletin qarjınıñ biraz böligi joğalıp ketui mümkin ekenin joqqa şığarğan joq.  "Jalpı, bank sektorına arnalğan bağdarlama qolaylı, men onı oñ bağalap, qoldaymın. Biraq mwndağı mäsele bankterdiñ bağdarlamanı qalay qoldanatınında bolıp otır... Aldağı uaqıtta qarajat joğaluı mümkin", - dedi ol keşe Halıq banktiñ bas keñsesinde ötken baspasöz konferenciyasında.

Bozımbaev qaraşa ayında benzin tapşılığı bolmaytınına uäde berdi

QR Energetika ministri Qanat Bozımbaev Qazaqstandağı mwnay öñdeu zauıttarı (MÖZ) qayta iske qosılğannan keyin qaraşa ayında benzinge swranıs birtindep azayadı dep mälimdedi.Onıñ sözinşe, kelesi ayda benzin swranısı 270-280 mıñ tonna köleminde boladı.

Qırğızstannıñ memlekettik keden qızmeti törağasınıñ orınbasarı Zamirbek Niyazaliev "Euraziyalıq ekonomikalıq odaqqa müşe elder Qazaqstan üşin 1 mlrd dollarınan ayrıldı" dep mälimdedi.

Qırğızstan biligi: EAEO Qazaqstan üşin 1 mlrd dollarınan ayrıldı

Sputnik Kırgızstan basılımınıñ mälimetinşe, keden organınıñ qızmetkeri, sonday-aq  ekonomika ministri Artem Novikov QR Prem'er-Ministri Baqıtjan Sağıntaevtıñ Qırğıztanğa qarata aytqan mälimdemesin dwrıs emes jäne negizsiz dep esepteydi. Onıñ sözinşe, Qazaqstan ükimetiniñ ädisi boyınşa esep jürgizse, EAEO-nıñ joğaltqan qarajatı tek Qırğızstan üşin ğana emes eken.

“The Qazaq Times”