ҚР Ұлттық банк төрағасы Данияр Ақышев 25 қазан күні Орталық коммуникация қызметінде өткен баспасөз конференциясында криптвалютаның не екенін әлі түсіне қоймағанын мәлімдеді.

"Мен криптовалютаның не екенін өзім әлі күнге онша түсіне қойған жоқпын. Бұл не ортақ қалыпты эмитенті, не бірыңғай орталықтандырылған органы жоқ құрал. Тіпті ештемеге тіркелмеген және оның құны спекулятивті операцияларға негізделген. Сондықтан адамдар инвестициялағысы келетін мұндай активтердің сақталуын ешкім қамтамасыз еткісі келмейді. Ал егер бұл "көпіршік жарылып кетсе" инвестициялап отырған адамдарға не болады? Содан кейін олар мемлекетке келіп "Неге бізге бұл туралы алдын ала ескертпедіңіздер?" деуі мүмкін ғой", - деді Ақышев.

Осылайша бас банк басшысы қазақстандықтарға мұндай операциялардың қауіпті екенін ескертті. Ол сондай-ақ, Ұлттық банк тарапынан үкіметке криптовалюта жүйесімен айналысып жүрген компанияларға және криптовалютамен ұлттық валюта арасында есеп жүргізуге тыйым салу туралы ұсыныс жасалғанын атап өтті.

“The Qazaq Times”