Foto: sputniknews.kz

Qazaqstan tarapı qazaq-qırğız şekarasındağı jağdaydı halıqqa  dwrıs tüsindirmey otır – dep mälimdedi Qırğızstan Sırtqı İster ministrligi baspasöz qızmeti.

Bügin yağni qazan ayınıñ 27-si küni qırğız tarapı taratqan resmi mälimdemede: «Qırğızstan jwrtşılığı osı uaqıtqa deyin qazaq-qırğız jäne Qazaqstan-Resey şekarasında bolıp jatqan jağdaylardı sırttay baqılap otır. Atalmış şekaralarda qazan ayınıñ basınan beri keden qızmeti küşeytilgen rejimge köşken. Biraq bwnıñ barlığı EAEO zañdarı men qazaq-qırğız odağına qayşı keletin äreketter. Qazaqstan biligi qazaq-qırğız şekarasında bolıp jatqan jağdaylardı osı uaqıtqa deyin ärtürli tüsindirip keldi. 11 qazan küni Qazaqstan Respublikasınıñ Wlttıq Qauipsizdik qızmeti qazaq şekaraşılarınıñ küşeytilgen rejimge köşuin «qauipsizdik şaraların küşeytu» dep tüsindirgen. Al 14 qazan küni QR Aqparat jäne kommunikaciya ministri Däuren Abaev qazaq-qırğız şekarasındağı jağdaydı Qırğızstandağı prezident saylauımen baylanıstırdı. Biraq keyinen 15 qazan küni QR Aqparat jäne kommunikaciya ministrligi qazaq-qırğız şekarasındağı jağday EAEO zañdarına säykes jürgizilip jatqan jwmıstardıñ körinisi degen aqparat tarattı. Osılayşa Qazaqstan biligi qos eldiñ halqına dwrıs aqparat bermey otır» - delingen.

Esteriñizge salayıq, bwğan deyin Qazaqstan prem'er-ministri Baqıtjan Sağıntaev Qırğızstan keden qızmetin qatañ sınğa alıp, qırğız biligi osı uaqıtqa deyin EAEO elderine jalğan aqparat berip keldi degen bolatın.

“The Qazaq Times”