Foto: Sputnik Uzbekistan

Biz barlıq salada Özbekstannıñ mıqtı memleket bolğanın qalaymız - dedi Türkiya prezidenti Rejep Tayıp Erdoğan Özbekstan basşısı Şavkat Mirzieevpen kezdesuinde.

Qazan ayınıñ 25-si küni Özbekstan prezidenti Şavkat Mirzieevtiñ Türkiyağa resmi is-saparı bastaldı. Bwl Özbekstan basşısınıñ arağa 20 jıl salıp Türkiyağa alğaş kelui. Osığan baylanıstı Rejep Tayıp Erdoğan Şavkat Mirzieevtı öziniñ Ankaradağı rezidenciyasında jeke qabıldap: «Bwl Özbekstan basşısınıñ arağa 20 jıl salıp Ankarağa alğaş ret at basın bwruı. Biz üşin bwl öte mañızdı kezdesu. Bügin biz 22 qwjatqa qol qoydıq. Erteñ tağı tört qwjatqa qol qoyatın bolamız. Qazirgi uaqıtta eki el arasındağı tauar aynalımı 1,2 milliard dollardı qwraydı. Biraq bwl biz qalağan deñgeyden älde qayda tömen körsetkiş. Biz barlıq salada Özbekstannıñ mıqtı memleket bolğanın qalaymız» - degen.

Al öz kezeginde Şavkat Mirzieev: «20 jıldıq üzilisten keyin biz bir-birimizdi sağınıp qalıppız. Qazir biz bir-birimizdi eşqanday sözsiz aq tüsinip otırmız. Eki bauırlas el arasında viza mäselesi bolmauı tiis. Bwl mäseleni jospar boyınşa şeşetin bolamız» - dep mälimdegen.

Bwdan bölek bügin qos eldiñ prezidentteri Stambwl qalasında jalpı qwnı 3,5 milliard dollardı qwraytın qwjattarğa qol qoyatın boladı. Şavkat Mirzieevtıñ Türkiyağa resmi saparı qazan ayınıñ 27-si küni ayaqtaladı dep kütilude.

“The Qazaq Times”