Foto: rueconomics.ru

Europadağı ärbir besinşi äyel jäne  ärbir altınşı er azamat - 65 jasta. Ğalımdardıñ aytuınşa, 2047 jılğa  qaray olar fizikalıq qabiletsizdigine baylanıstı däriger kömegine mwqtaj boluı mümkin.  BMJ Open medicinalıq jurnalı Europada kün sanap ösip kele jatqan qarttıq mäselesi men jalğızdıqtı tañdaytın (otbasın qwrmau) jastar turalı zertteu jürgizgen. 

Jurnal qızmetkerleriniñ aytuınşa, zertteu nätijeleri densaulıq saqtau salası byudjetine jauaptı azamattardı quanta qoymaydı. Öytkeni qarttar barlığı derlik olarğa qaraytın öz balaları men janwyası bolmağan kezde kiinu, kündelikti tamaqtanu siyaqtı qarapayım şarualardı atqaruğa qosımşa kütuşi men medicinalıq qızmetkerdi qajet etedi.

Ğalımdar Europanıñ 26 elinde jürgizgen zertteu nısandarı (qarttar) bir bolğanımen, mädeni erekşelikterge baylanıstı ärtürli nätijelerge qol jetkizilgenine tañdanıspen aytadı. Mäselen, Germaniyada 65 jastağı jäne odan joğarı äyelderdiñ 27 payızı tım bolmağanda bir dertimen därigerge jüginse, Niderlandınıñ osı jastağı azamatşalarınıñ tek 12 payızın ğana belgili bir sırqat türi mazalaydı. YAğni, bwl adamdardıñ tamaqtanu ädebi men sportqa degen ıntası, ömir saltına tikeley baylanıstı. Niderlandıda velosiped eñ tanımal kölik türi ekenin estigen bolarsız?!

Zertteu tobınıñ müşesi Mariana Veber: "Europadağı qarttardıñ sanı aldağı 30 jılda osı qarqınmen arta beredi. Bwl qosımşa medicinalıq qızmetkerlerge degen swranıs tudıratını jäne memlekettik şığındı arttıratını dausız", - deydi.

“The Qazaq Times”