Foto: De-Facto

Resey prezidenti Vladimir Putin joğarı lauazımdı memlekettik qızmetkerlerdiñ jalaqısın 10 payızğa tömendetu turalı jarlıqqa qol qoydı. Qwjat resmi aqparattıq portalda jariyalanğan. 

Jalaqısı tömen bolatın şendiler - prezident, prem'er-ministr, vice-prem'erler, ministrler,  sonday-aq bas prokuror, tergeu komitetiniñ jäne Ortalıq saylau komissiyasınıñ basşıları. Sonday-aq, jarlıq boyınşa prezident äkimşiligi men Resey ükimeti apparatı qızmetkerleriniñ de jalaqısı tömendeydi.

Memlekettik qızmetkerlerdiñ jalaqısın qısqartu turalı qwjatqa 2015 jıldıñ aqpanında qol qoyılıp, 2015 jıldıñ 1 naurızınan bastap küşine engen. Keyinirek Vladimir Putin bwl jarlıqtı birneşe ret wzarttı.

Prezident kirisi turalı deklaraciyağa säykes, Vladimir Putinniñ jalaqısı 2016 jılı şamamen 8,86 million rubl'ge jetken. 2016 jılı Kreml'degi lauazımdı twlğalardıñ arasında Resey prezidenti äkimşiliginiñ birinşi orınbasarı Sergey Kirienkonıñ tabısı köp bolğan: deklaraciya boyınşa onıñ jalaqısı 85,5 million rubl'di qwradı. Resey prem'er-ministri Dmitriy Medvedev 2016 jılı 8,586 million rubl' jalaqı alsa, baspasöz hatşısı jäne prezident äkimşiligi basşısınıñ orınbasarı Dmitriy Peskovtıñ tabısı 12,6 million rubl' bolğan.

“The Qazaq Times”