Foto: Vestnik Kavkaza

Wrıs is-qimıldarın toqtatu rejimine kepilger elderdiñ özara kelisuimen, Astana procesi ayasındağı Süriya jöninde joğarı deñgeydegi jetinşi halıqaralıq kezdesu 2017 jılı 30-31 qazanda ötedi. Bwl turalı QR Sırtqı ister ministrliginiñ baspasöz qızmeti habarladı.

Kelissözder barısında twtqındardı, qamauda otırğandardı bosatu, qaza tapqandardıñ denelerin beru jäne iz-tüzsiz joğalğandardı izdestiru boyınşa jwmıs tobınıñ erejesin bekitu josparlanıp otır. Sonday-aq, taraptar halıqaralıq terrorizmmen küres mäselelerin qarastıruğa jäne Süriyada gumanitarlıq minadan tazartu jwmıstarın jürgizu turalı birlesken mälimdemeni qabıldauğa nietti. Özara qızığuşılıq tudıratın basqa da mäselelerdiñ talqılanuı ıqtimal.

Vedomstvonıñ mälimetinşe, Astanada qırküyekte ötken kelissözderdiñ altınşı raundı taraptardıñ Süriyada deeskalaciya aymaqtarın qwru turalı memorandum erejelerin iske asıru jäne Astana procesi ayasında osığan deyin qabıldanğan basqa da şeşimderdiñ orındaluı boyınşa jwmıstı jalğastıru nieti rastalğan birlesken mälimdemeni qabıldaumen ayaqtalğan. Süriyada qwrılğan deeskalaciya aymaqtarı atalğan qaqtığıstıñ kölemin edäuir tömendetip, eldegi gumanitarlıq jağdaydı jaqsartuğa mümkindik berdi.

“The Qazaq Times”