Foto: http://cezarium.com

Nwr-Swltanda 1-2 tamız aralığında ötken Hİİİ Süriya mäselesi boyınşa kelissöz märesine jetti. Nätijesinde astana procesiniñ kepil elderi Idlibtegi beybit halıqtıñ qauipsizdigin saqtau üşin naqtı şara qabıldau turalı şeşimge kelgen.

Kelissözder barısında astana procesiniñ kepil elderi – Türkiya, Resey jäne Iran delegaciyası Süriyadağı qaqtığısqa tosqauıl bolu, Idlibtegi hal-ahual, twtqındardı bosatu, beybit twrğındar ömiri sındı mäselelerdi talqılağan. Resmi mälimetterge süyensek, taraptar Süriyanıñ konstituciyalıq komitetin qwru mäselesine basa nazar audarğan. Sonımen qatar, Idlib boyınşa barlıq kelisim orındaluı tiis deydi delegaciya ökilderi. Eñ aldımen, 2018 jılğı memorandum saqtaluı qajet (Idlibte demilitarizaciyalanğan aumaq qwru turalı kelisim).

Osığan deyin Resey men Türkiya qorğanıs ministrleri Soçide kezdesip, Idlib deeskalaciya aumağındağı ahualdı twraqtandıru turalı memorandumğa qol qoyğan jäne Idlib demilitarizaciyalanğan aumağın qwruğa kelisken bolatın.

Qazaqstan Sırtqı ister ministriniñ ökili Roman Vasilenko: «Astana procesiniñ ayasında ötken 13-şi kezdesudiñ qorıtındısına qanağattanıp otırmız, sebebi bwl – Süriyada beybitşilik ornatu üşin jan-jaqtı küş jwmsaudıñ mañızdı böligi. Bügingi joğarı deñgeyli kezdesu – kepil elderdiñ qosqan eleuli ülesi», – dep mälimdedi.

2011 jılı Süriyada qarulı qaqtığıs bastalğalı beri astanada Süriya mäselesin retteu jönindegi kelissöz jeti märte wyımdastırıldı. Nwr-Swltan kelissözine qoldau körsetuşi elderdiñ arqasında, Süriyadağı qaqtığıs uaqıtşa toqtatıldı. Resey, Iran jäne Türkiya atalğan mäsele jönindegi kelisimşarttı orındauşı kepilger-elder sanaladı.

2017 jılı qañtar, aqpan, naurız, mamır aylarında Süriya dağdarısına baylanıstı tört ret kezdesu ötti. Nätijesinde kelissözge qatısuşı taraptar Süriya jerinde qauipsiz aumaqtar qwruğa baylanıstı mämlege kelgen.

"The Qazaq Times"