Süriyadağı jağdaydı retteu jönindegi halıqaralıq kezdesu 10-11 jeltoqsanda Qazaqstan astanasında ötedi. Bwl turalı QR Sırtqı ister ministri Mwhtar Tileuberdi mälim etti.

Jinalıstıñ kün tärtibi boyınşa taraptar eñ äueli Süriyada qaqtığıssız aymaqtar qwru, sonday-aq sol aymaqtardıñ şekarası men kartası jayındağı kelisimdi qamtamasız etu, baqılau mehanizminiñ mindetterin belgileytin qwjattar men koordinaciya ortalığı reglamentin dayındau siyaqtı mañızdı jwmıstar jalğaspaq.

2011 jılı Süriyada qarulı qaqtığıs bastalğalı beri astanada Süriya mäselesin retteu jönindegi kelissöz jeti märte wyımdastırıldı. Astana procesine qoldau körsetuşi elderdiñ arqasında, Süriyadağı qaqtığıs uaqıtşa toqtatıldı. Resey, Iran jäne Türkiya atalğan mäsele jönindegi kelisimşarttı orındauşı kepilger-elder sanaladı.

Joğarı deñgeydegi on üşinşi halıqaralıq kezdesu 1-2 tamızda Qazaqstan astanasında ötken. Kelissözderge kepilger-elderdiñ (Resey, Iran, Türkiya), Süriya ükimetiniñ delegaciyaları qatıstı. Baqılauşılar retinde BWW, Iordaniya, sonday-aq Livan men Iraktıñ joğarı ökilderi şaqırıldı.
Bwdan bwrın Süriya beybitşilik kelissöziniñ törtinşi, besinşi kezeñderi de astanada ötken bolatın. Kezdesude Qazaqstan Süriya mäselesiniñ äskeri jolmen şeşilmeytinin, bwnı tek kelisimge kelu arqılı şeşuge bolatının jariya etip, älemdi birlikke şaqırğan edi.

"The Qazaq Times"